ආණ්ඩුව නියෝජනය කරන පක්ෂ 11ක නායකයින් ඊයේ ( 01) පස්වරුවේ රැස්වී ආණ්ඩුව මුහුණදී සිටින අර්බුද සම්බන්ධයෙන් දීර්ඝ වශයෙන් සාකච්ජා කර ඇති බව දැනගන්නට තිබේ.
මෙම සාකච්ජාවේදී වර්තමාන දේශපාලන තත්වය මෙන්ම ජිවන වියදම ඉහළ යාම, ඉදිරියේදී පැවැත්වීමට නියමිත පළාත්සභා මැතිවරණය හා මැයි දිනය වෙනුවෙන් ගත හැකි ක්‍රියාමාර්ග සම්බන්ධයෙන් ද සාකච්ජා කර ඇතැයි දැනගන්නට ඇත.
මෙම සාකච්ජාවට විමල් විරවංශ, දයාසිරි ජයසේකර, වාසුදේව නානායක්කාර, උදය ගම්මන්පිල, ඩිව් ගුණසේකර, මහාචාර්ය තිස්ස විතාරණ, ටිරාන් අලස්, එම්.එල්.ඒ.එම්. අතාවුල්ලා, ගෙවිඳු කුමාරණතුංග, අසංග නවරත්න හා පුජ්‍ය අතුරලියේ රතන හිමි යන පක්ෂ නායකයින් සහභාගී වී ඇති බව වාර්තා වේ.
