ශ්රී ලංකා පොදුජන පෙරමුණ නොවන ආණ්ඩුවේ හවුල්කාර පක්ෂ වෙනම මැයි දිනය සැමරීම සම්බන්ධයෙන් මේ වන විට ආණ්ඩු පක්ෂය තුළ දැඩි කතාබහක් ඇතිව තිබේ.
මේ හේතුව මත මැයි දිනය එක්ව සමරන්න ද නැද්ද යන්න පිළිබඳ තීරණය කිරීම සඳහා අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් එළැඹෙන 19 වැනි දා පැවැත්වෙන පක්ෂ නායක හමුවේදී තීරණයක් ගැනීමට නියමිතව තිබේ.
ආන්ඩුවේ සෙසු පක්ෂ 11ක නායකයින් පසුගියදා බහස්පතින්දා ශ්රී ලංකා නිදහස් පක්ෂ මූලස්ථානයේ දී රැස්වීමේ දී ද මේ ගැන වශයෙන් දීර්ඝ ලෙස සාකච්ඡා කර තිබේ.
මේ අතර ආණ්ඩුවේ සුළු පක්ෂ කිහිපයක් දැනටමත් තීරණය කර ඇත්තේ මෙවර වෙනම මැයි දිනයක් පැවැත්වීමටයි.
ශ්රී ලංකා නිදහස් පක්ෂයද තනිව මැයි රැලියක් සංවිධානය කිරීමට අවශ්‍ය වුවහොත් එහි සංවිධාන කටයුතු දුමින්ද දිසානායක ඇමතිවරයා යටතට පත් කර ඇත.
