තෙල් මිල් ගණන් ඉහළ නැංවීම සදහා අවශ්‍ය තීරණය සහ එය ක්‍රියාත්මක කළ යුතු දිනය තමන්ට දැනුම් දුන්නේ මහභාණ්ඩාගාරයෙන් බවත්, එහි විෂය භාර අමාත්‍යවරයා මුදල් අමාත්‍ය මහින්ද රාජපක්ෂ මහතා බවත් බලශක්ති අමාත්‍ය උදය ගම්මන්පිල මහතා පවසයි.
ඒ මහතා පෙන්වා දෙන්නේ තෙල් මිල තනිවම වැඩි කිරීමට තමන්ට පිස්සුවක් නැති බවත්, අමාත්‍ය අනු කමිටුව මගින්ද එය අනුමත කළ බවත්ය.
මේ සම්බන්ධයෙන් අද පස්වරු 2ට සිය අමාත්‍යංශයේදී මාධ්‍ය හමුවක් කැදවා පොහොට්ටුවට පිළිතුරු ලබා දීමටද ගම්මන්පිල මහතා සැලසුම් කර ඇත.
තෙල් මිල ඉහළ නැංවීම සම්බන්ධයෙන් ඊයේ දින පොහොට්ටුවේ මහලේකම් සාගර කාරියවසම් මහතා නිවේදනයක් නිකුත් කරමින් කියා සිටියේ එහි වගකීම බාරගෙන ගම්මන්පිල මහතා ඉල්ලා අස්විය යුතු බවකි.
