සාකච්ඡා සඳහා පැමිණෙන ලෙසට ජනාධිපති ගෝඨාභය රාජපක්ෂ මහතා සිදුකළ නිල ආරාධනාවට කොන්දේසි සහිතව එකඟ වීමට සමගි ජන බලවේගයේ කෘත්‍යාධිකාරී මණ්ඩලය තීරණය කොට ඇත.
පසුගිය බ්‍රහස්පතින්දා රාත්‍රියේ පැවැති මෙම කෘත්‍යාධිකාරී මණ්ඩල රැස්වීමේදී අතිබහුතරයක් මන්ත්‍රීවරුන් මෙම යෝජනාව ප්‍රතික්ෂේප කළ යුතු බව දැනුම්දී තිබුණත් ඇතැම් මන්ත්‍රීවරුන් එම ආරාධනාව පිළිගත යුතු බව සඳහන් කොට ඇත.
ඒ අනුව අවසානයේදී තීන්දුවී ඇත්තේ කොන්දේසි සහිතව ජනාධිපතිවරයාගේ ආරාධනාව පිළිගැනීමටය.
එහිදී සාකච්ජා සදහා යාමට පෙර සාකච්ජා කරන කරුණු සියල්ල ජනතාවට අනාවරණය කිරීමටත්, පොහොර ප්‍රශ්නයේදී ආණ්ඩුව අසමත් වූ තැන් සියල්ල රටට අනාවරණය කිරීමටත් තීන්දු වී ඇත.
