ජනතාවගේ අතේ මුදල් නැති වීම ගැන තමන්ට කරන්නට දෙයක් නැතැයි වෙළෙඳ අමාත්‍ය බන්දුල ගුණවර්ධන මහතා සඳහන් කරයි.
මේ දවස්වල වැස්ස නේ බයික් එකේ යන කොට බෑග් එක තෙමෙනව නේ මෙන්න සුපිරි විසදුම... වතුර නොවදින BAG COVER එකක් ගන්න
මෙම තත්ත්වය ලංකාවට පමණක් නොව කොරෝනා වසංගතය නිසාම මුළු ලෝකය තුළම අනුගත වූ තත්ත්වයක් බව ද ඔහු කියා සිටියි.
භාණ්ඩ ලබා ගැනීමට ජනතාව අත මුදල් නැති බවට මාධ්‍යවේදියකු විසින් කළ විමසීමකදී ඔහු මෙසේ සඳහන් කළේය.
”ඒකට අපට කරන්න පුළුවන් දෙයක් නෑනෙ. මුළු ලෝකෙම නිෂ්පාදන ක්‍රියාවලිය නතර වුණොත්, ඒක තමයි අපි රටක් වැහුවොත් එදිනෙදා ජීවත් වෙන මනුස්සයාට කුලියක් මලියක් කරගන්න බැරිවුණොත් ආදායමක් නෑ. රාජ්‍ය සේවකයො පමණයි මේ රටේ ස්ථාවර වැටුප් ලබන්නෙ. අනිත් අතිමහත් බහුතර ජනතාව ඈත දියඹට ගිහිල්ලා මාළු අල්ලන් එන ධීවරයින්, ගොවිතැනක් බතක් කරන ගොවියෙක්, වඩු බාස්සුන්නැහේ කෙනෙක්, මේසන් බාස්සුන්නැහේ කෙනෙක්, කුලීමලී කරන කෙනෙක්, ජනතාව ජීවත් වෙන්නෙ ජීවිතයත් සමග අරගලයක් ජනතාව හැමදාම කරන්නෙ. ඉතිං ඒකට බාධාවෙලා තියෙනවා මේ කොවිඩ් – 19 වසංගතය. වසංගතය තුළ සෞඛ්‍ය ආරක්ෂක විධිවිධාන, නීති එහෙම තත්වයක් ලෝක ඉතිහාසයේ මීට පෙර වෙලා නෑ කියලා මං කිව්වෙ ඒකයි. යුද්ධයක් තියෙනකොට, වසංගතයක් තියෙනකොට එවැනි දෙයක් ලෝකෙ ඇතිවෙනවා. ඒක ලංකාවට විතරක් තියෙන තත්වයක් නෙවෙයි, මුළු ලෝකෙටම පොදු තත්වයක්”
කොළඹ පැවති මාධ්‍ය හමුවකදී ඔහු මෙම අදහස් පල කලේය.
