සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
මෙරටට පැමිණෙන විදෙස් සංචාරකයන් සඳහා ගුවන් තොටුපොළේදීම තාවකාලික රියදුරු බලපත්‍රයක් ලබාදීම හේතුවෙන් තම ජීවනෝපාය බලවත් අවධානමකට ලක්ව ඇති බව පවසමින් සංචාරක සේවා සපයන්නන්ගේ එකමුතුව එම තීරණයට විරෝධය පළකර සිටියි.
මේ සම්බන්ධව මාධ්‍ය හමුවක් පවත්වමින් අදහස් දැක්වූ අතර එහිදී අනාවරණය කෙරුණේ මෙරට රියදුරු බලපත්‍රයක් ගැනීමට රුපියල් 17500 කට අධික මුදලක් වැය කිරීමට සිදුවූවද විදෙස් සංචාරකයකුට රියදුරු බලපත්‍රයක් ගැනීමට වැය වන්නේ රුපියල් 2000ක් වැනි සුළු මුදලක් බවයි.
ලොව හොඳම සංචාරක ගමනාන්තය වන තායිලන්තයේ පවා විදේශීය සංචාරකයකු රියදුරු බලපත්‍රයක් ගැනීමට පෙර සෞඛ්‍ය පරීක්‍ෂණයක්, ඇස් පරීක්‍ෂාවක්, ලිඛිත පරීක්‍ෂණයක් ඇතුලු පරීක්‍ෂණ ගණනාවකට මුහුණදීමට අවශ්‍ය නමුත් මෙරට තුළ ඒ කිසිවක් නොමැති බවද ඔවූහු පෙන්වා දුන්හ.
විදෙස් සංචාරකයන් සඳහා තාවකාලික රියදුරු බලපත්‍රය ලබාදීමේ කවුළුව විවෘත කිරීමට ගිය ඇමති බිමල් රත්නායක තොටියාට වෙන රස්සාවක් සොයාගන්න කියා අවමන් කළේ තමන්ට බව පැවසූ ඔවුන් , එසේ වෙනත් රැකියාවක් සොයාගන්නට වත්මන් ආණ්ඩුව රැකියා උත්පාදනය කර තිබේදැයි කියාද ප්‍රශ්න කළ අතර, උපාධිධාරීන් පවා රැකියා ඉල්ලමින් මහ පාරට වැටී සිටින බවද පැවසීය.
වත්මන් ආණ්ඩුව බලයට ගෙනෙන්න රෙදි නැතුව කඩේ ගියත් ඔවුන් දැන් නිර්ධන පංතිය නිර්වින්දනය කරමින් සිටින බවද ඔවූහු පැවසූහ.
