ඩිජිටල් නියෝජ්‍ය අමාත්‍ය එරංග වීරරත්නගෙ පාර්ලිමේන්තු මන්ත්‍රීධූරය අහෝසියි...?

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

ඊයෙ පාර්ලිමේන්තුවේදී ඩිජිටල් නියෝජ්‍ය අමාත්‍යවරයා සතු Omobio (Pvt) Ltd සහ Eimsky Business Solutions (Pvt) Ltd, යන ආයතන විසින් ආණ්ඩුවෙ කොන්ත්‍රාත් අරගෙන කියලා සමගි ජන බලවේගයෙ පාර්ලිමේන්තු මන්ත්‍රී ප්‍රසාද් සිරිවර්ධන බරපතල චෝදනාවක් එල්ල කරනවා..

එහිදී නැගී සිටින නියෝජ්‍ය ඇමැතිවරයා තමන් දැන් එම සමාගම් දෙකේ CEO ( Chief Executive Officer) තනතුරෙන් ඉල්ලා අස් වෙලා ඉන්නෙ කියලා ප්‍රකාශ කරනවා.

ඒ වගේම තමන්ගෙ සමාගම් ආණ්ඩුව සමග එම ව්‍ ව්‍යාපෘති වලට ගිවිසුම් ගත උනේ ඔහු නියෝජ්‍ය අමාත්‍යවරයා වීමට පෙර කියලාත් ඔහු ප්‍රකාශ කරනවා.

හරිනෙ දැන් එහෙනම් ප්‍රශ්ණයක් නෑනෙ....? ඔබ එහෙම හිතනවා ඇති..

මටත් එහෙම හිතුනා...

ඒත් ප්‍රශ්ණය පටන් ගන්නෙ දැන්...

ඔහුම ප්‍රකාශ කරන පරිදි ඔහු අදාළ සමාගම් වල ප්‍රධාන විධායක නිලධාරී තනතුරෙන් ඉල්ලා අස් වෙන්නෙ ඇමතිධූරයෙ දිවුරුම් දුන් දිනයෙ..

ඒ වගේම ඔහු එහි ප්‍රධාන විධායක නිලධාරී තනතුරෙන් ඉල්ලා අස් උනත් ඔහු තවමත් ඒ සමාගම්වල Share Holder කෙනෙක් කොටස් හිමිකරවෙක් කියලා ඔහුම ප්‍රකාශ කරනවා..

නීතියෙ තියෙන්නෙ තමන් සතු සමාගමක් ආණ්ඩුව සමග යම්කිසි ව්‍යාපෘතියක් හෝ ගනුදෙනුවක් වෙනුවෙන් ගිවිසුමක් අත්සන් කරලා තියෙනවානම් ඔහු මැතිවරණයට නාමයෝජනා දෙන දවස වන විට එම සමාගම්වල තනතුරු වලින් ඉල්ලා අස්විය යුතුයි කියලා.

ඒත් ඔහු තමන්ගෙ සමාගම් වල තනතුරු වලින් ඉල්ලා අස්වෙන්නෙ ඇමැති තනතුර ලැබෙන දවසෙ.
ඒ වගේම තවමත් ඔහු ඒ සමාගම්වල Share Holder කෙනෙක්..

ඒ අනුව ඔහුට මන්ත්‍රීධූරය දැරීමෙ නීත්‍යානුකූල අයිතියක් නෑ.

මේ සම්බන්ධයෙන් අතීතයේ පැහැදිලි නිදර්ශනයක් තියෙනවා.

මීට පෙර 1999 දී රාජිත සේනාරත්න මන්ත්‍රීවරයාටත් මෙවැනි චෝදනාවක් යටතේ නඩු පවරලා ඔහුට සිය මන්ත්‍රීධූරය අහිමි වෙනවා.

රාජිත සේනාරත්න මන්ත්‍රීධූරයෙ සිටිද්දී ඔහු රජයට දන්ත වෛද්‍ය උපකරණ සපයන ආයතනයක අයිතිය සහ කොටස්කරුවෙක් වෙනවා.

පාර්ලිමේන්තු මන්ත්‍රීධූරයෙ සිටිද්දී රජය සමග ව්‍යාපාර කටයුතු වල යෙදීම මගින් ආණ්ඩුක්‍රම ව්‍යවස්ථාව උල්ලංඝනය කර ඇති බවට 1999 සැප්තැම්බර් මාසයේදී ඩිලාන් පෙරේරා විසින් අභියාචනාධිකරණයට පෙත්සමක් ඉදිරිපත් කරනවා.

එහිදී පෙත්සම්කාර ඩිලාන් පෙරේරා වෙනුවෙන් විජේදාස රාජපක්ෂ සහ එස් විමලසේකර පෙනී සිටි අතර විත්තිකාර රාජිත සේනාරත්න වෙනුවෙන් කේ එන් චොක්සි සහ දයා පැල්පොල පෙනී සිටිනවා.

චොක්සි කියන්නෙ 1978 ආණ්ඩුක්‍රම ව්‍යවස්ථාව නිර්මාණය කිරීමට දායක වුණු ආණ්ඩුක්‍රම ව්‍යවස්ථාව පිලිබඳ විශාරදයෙක්.

1999 දෙසැම්බර් 10 වෙනිදා මෙම පෙත්සමට අදාල තීන්දුව ප්‍රකාශයට පත් කරනවා.

එහිදී ද්වී පුද්ගල විනිසුරු මඩුල්ල රාජිත සේනාරත්නගෙ මන්ත්‍රීධූරය අහෝසි කරමින් " ක්වෝ වොරන්ටෝ රිට් ආඥාවක්" නිකුත් කරනවා.

ඒත් සමගම පාර්ලිමේන්තුවෙ මහලේකම් වරයා වෙත "මන්දාමුස් ආඥාවක්" නිකුත් කරමින් රාජිත සේනාරත්නගෙ මන්ත්‍රීධූරය අහිමි කිරීම සම්බන්ධව නිසි පියවර ගන්නා ලෙස නියෝග කරනවා.

ඒ ක්‍රියාදාමයම අද නියෝජ්‍ය අමාත්‍ය එරංග වීරරත්නටත් අදාළයි..

රන්වලගෙ කතානායක තනතුර ගැලෙව්වා වගේ විපක්ෂයට අවස්ථාවක් ලැබිලා තියෙනවා නියෝජ්‍ය අමාත්‍යවරයෙක්ව නීත්‍යානුකූලව තනතුරෙන් පහ කරන්න.

මේ රටේ පුරවැසියො විදියට අපිට තියෙන්නෙ විපක්ෂයෙ ක්‍රියාකාරිත්වය සහ නීතියෙ සාධාරණත්වය දෙස බලාගෙන සිටීම පමණයි.

අවශ්‍යයනම් ඊට කලින් නියෝජ්‍ය අමාත්‍ය එරංග වීරරත්නට තමන්ගෙ පාර්ලිමේන්තු මන්ත්‍රී ධූරයෙන් ඉල්ලා අස්වෙලා නන්නත්තාර වෙලා වැලේ වැල් නැතුව ඉන්න අනුර කුමාර දිසානායකගෙ ආණ්ඩුවට පොඩි ක්‍රෙඩිට් එකක් අරගෙන දෙන්නත් පුළුවන්..

නිලන්ත සත්සර ගමගේ