ඉරානයේ ලේ වලින් පිරුණු විලක් ගැන ඔබ අසා තිබේද?
උර්මියා’ නමැති මේ විල කලක් නිල් සහ කොළ වර්ණවලින් අලංකාර වුවත් අද වනවිට මෙම විල වසරේ මාස කිහිපයක් ලේ මෙන් රතු පැහැ ගැන්වෙයි.
උර්මියා විලේ පැහැය රතු පැහැයට වෙනස් වන්නේ වසරේ මාස කිහිපයකට පමණි. ඒ, අප්‍රේල් සිට ජූලි හෝ අගෝස්තු දක්වාය.
මෙම වර්ණ වෙනස සිදුවන්නේ ජල මට්ටම අඩුවෙද්දීය.
ඉරානය මැද පෙරදිග කලාපයට අයත් රාජ්‍යයක් නිසා අසාමාන්‍ය ලෙස උෂ්ණත්වය ඉහළ යෑමක් ද සිදුවෙයි. එම උෂ්ණත්ව වෙනස් වීමත් සමඟ ඇල්ගේ වර්ගයක් වැඩෙන්න පටන් ගනී.
මෙම ඇල්ගේ වර්ගය ‘ඩුනලයිලා සලීනා’ නමින් හැඳින්වෙයි. ‘උෂ්ණත්වය වැඩි වෙද්දී, ඩුනලයිලා සලීනා වර්ධනය වෙනවා. ඒවා ඉක්මනින් විල පුරා පැතිරෙන්න ගන්නවා. ඒවා තද රතු පැහැයෙන් යුක්තයි. විලේ වර්ණය වෙනස් වෙන්නේ එහෙමයි.
