ඉතාලියෙන් එක් දිනක් තුලදී වැඩිම මරණ සංඛ්‍යාව අද වාර්තා කර තිබෙනවා.
ඒ, අනුව ගතවූ පැය 24ක කාලය තුලදී ඉතාලියෙන් පුද්ගල මරණ 475ක් වාර්තා වෙනවා.
විදෙස් මාධ්‍ය සඳහන් කරන්නේ, ඉතාලියේ ලොම්බාර්ඩියා නගරයෙන් ඊයේ දිනයේදී මරණ 319 ක් වාර්තා වූ බවයි.
මේ වන විට කොරෝනා වෛරසයෙන් ඉතාලියේ පුද්ගලයින් 2978 දෙනෙක් මරණයට පත්ව තිබෙනවා.
චීනයේ හුබෙයි ප්‍රදේශයෙන් ආරම්භ වූ මෙම වෛරසය මේ වන විට එරටින් වාර්තා වන්නේ පුද්ගල මරණ 3122ක් වන අතර දෙවන වැඩිම මරණ සංඛ්‍යාව වාර්තා වන්නේ ඉතාලියෙන්.
එරටින් ලැබෙන දත්ත අනුව කොරෝනා වෛරසය වැළදුණු පුද්ගලයින් 35,713 දෙනෙක් සිටින අතර ඉන් වැඩි බහුතරයක් වයස්ගත පුද්ගලයින් බව සඳහන්.
ඒ අනුව ඉතාලියේ තත්ත්වය ඉදිරියේදී මිට වඩා භයානක වනු ඇති බවයි සෞඛ්‍ය බලධාරින් පවසන්නේ.
