ශ්‍රී ලංකා වාසීන්ගේ අඳුරු මතක අතරට එක් වූ 2019 අප්‍රේල් 21 පාස්කු ඉරිදා ත්‍රස්ත ප්‍රහාරයට අදට වසරක් සපිරෙනවා. කොළඹ කොච්චිකඩේ සාන්ත අන්තෝනී දේවස්ථානය, මීගමුව කටුවාපිටිය සාන්ත සෙබස්තියන් දේවස්ථානය, මඩකලපුව සියෝන් දේවස්ථානය සහ ප්‍රමුඛ පෙළේ සංචාරක හෝටල් ඇතුළු දිවයිනේ ස්ථාන 7 ක්, මරාගෙන මැරෙන බෝම්බ ප්‍රහාර එල්ල කළ අන්තවාදීන්ගේ ඉලක්ක බවට පත්වුණා.
මෙම ප්‍රහාරය නිසා බහුතරයක් කතෝලික ජනතාව සහ විදේශීය සංචාරකයින් ද ඇතුළු පුද්ගලයින් 250 කට වැඩි පිරිසකට දිවි අහිමි වූ අතර තවත් පිරිසක් ආබාධිතයින් බවට පත්වුනා.
