මෙරට විශ්වවිද්‍යාල සතුව තිබෙන රසායනාගර ද භාවිතා කරමින් දෛනිකව PCR පරීක්ෂණ 2000 ක් සිදු කිරීමට රජය තීරණය කර තිබෙන බව සෞඛ්‍ය අමාත්‍ය පවිත්‍රා වන්නිආරච්චි මහත්මිය පවසනවා. විශ්වවිද්‍යාල බලධාරීන් සහ අගමැතිවරයා අතර පැවති සාකච්ඡාවකින් පසුව මෙම තීරණයට එළඹ තිබේ.
මේ වනවිට දෛනිකව පරීක්ෂණ 1000 කට වැඩි ප්‍රමාණයක් සිදු කරන අතර ඊයේ දිනයේදී පරීක්ෂණ 1075 ක් සිදුකළ බවයි ඇමතිවරිය පවසන්නේ. හෙට දිනයේ සිට මඩකළපුව රෝහලේද PCR පරීක්ෂණ ආරම්භ කිරීමට නියමිතය.
මේ අතර එකවර පරීක්ෂා කිරීම් 500 ක් සිදුකළ හැකි යන්ත්‍රයක් ලබන 30 වැනිදා වනවිට මුල්ලේරියාව රෝහලට ලැබීමට නියමිත අතර ඒ අනුව පරීක්ෂණ 2000 ක ඉලක්කය සපුරා ගත හැකි බවයි පවිත්‍රා වන්නිආරච්චි මහත්මිය පවසන්නේ.
