රෝහල්ගත කරද්දීම දෙදෙනෙකු මිය යයි.. කොරෝනා පරීක්‍ෂණ..

අසනීප තත්ත්වයක් හේතුවෙන් කොළඹ ජාතික රෝහලට ඇතුළු කිරීමේ දී ඊයේ රාත්‍රියේ පුද්ගලයන් දෙදෙනෙකු මියගොස් තිබේ.
ඔවුන් සම්බන්ධයෙන් කොරෝනා පරීක්ෂණ සිදු කිරීමට නියමිත බව හමුදාපති ශවේන්ද්‍ර සිල්වා මහතා සඳහන් කරයි.
පවතින තත්ත්වය මත ඔවුන්ගේ සිරුරු සම්බන්ධයෙන් අවසන් තීන්දුව ගැනීමට පෙර එම පරීක්ෂණ සිදු කරන බවද ඔහු කියා සිටියේය.
අද දහවල් වන විට මෙහි ප්‍රතිඵල ලැබීමත් සමග සිරුරු සම්බන්ධයෙන් අවසන් තීරණයක් ගන්නා බවද හමුදාපතිවරයා තවදුරටත් පැවසීය.