කළුතර නාගොඩ රෝහලේ නේවාසිකව ප්‍රතිකාර ලබමින් සිටි 70 හැවිරිදි රෝගියකුගේ මුදල් පසුම්බියේ තිබූ ණයපත සොරාගෙන ඒ.ටී.එම්. යන්ත්‍රයකින් රුපියල් ලක්ෂ 14 මුදලක් වංචනිකව සොරාගත් බව කියන පුද්ගලයකු අත්අඩංගුවට ගැනීමට කළුතර දකුණ පොලිසිය පරීක්ෂණයක් ආරම්භ කර තිබෙනවා.
මතුගම ඕවිටිගල පදිංචි අදාළ පුද්ගලයා පැමිණිල්ලක් අනුව කළුතර දකුණ පොලිසියේ අපරාධ අංශයේ නිලධාරීන් විසින් මෙම පරීක්ෂණය ආරම්භ කර තිබුණා.
අසනීපයෙන් පසු වු තමා කළුතර නාගොඩ රෝහලේ නේවාසිකව පරෑ්‍රතිකාර ලබමින් සිටියදී මෙම ඩෙබිට් කාඩ්පත සහිත මුදල් පසුම්බිය සොරාගෙන ඇතැයිද ඉකුත් 29 වැනිදා තමා රෝහලෙන් පිටව ගොස් ඊයේ බැංකු ගිණුම් පරීක්ෂා කිරීමේදී මෙම මුදල් වංචාව ගැන දැනගත් බව ද ඔහු පොලිසියට පැමිණිලි කර තිබෙනවා.
