කොරෝනා මරණයක් සිදු වූ විට එහි අවසන් කටයුතු අදාළ පාර්ශව වල කැමැත්ත අකමැත්ත අනුව සිදු කල යුතුය යන ලෝක සෞඛ්‍ය සංවිධාන රෙගුලාසි උල්ලංඝනය කරමින් රජය කටයුතු කරන බව විපක්ෂ නායක සජිත් ප්‍රේමදාස සඳහන් කරනවා.
අද පැවති පාර්ලිමේන්තු විවාදයට එක්වෙමින් ඔහු මේ බව සඳහන් කළා.
එහිදී විපක්ෂ නායකවරයා මෙලෙස අදහස් දැක්වුවා.
"මේ රටේ මුස්ලිම් ප්‍රජාව ඉලක්ක කරගෙන මේ රටේ කොරෝනා ව්‍යාප්ත කරන්නේ මුස්ලිම්වරුන්,ඉස්ලාමීය ජාතිකයින් කියන කතාව නිර්මාණය කරලා මොකක්ද කරේ? පුච්චන එක පාපකර්මයක් ඒ අයගේ ආගමේ. නමුත් මොකක්ද අපේ රට කලේ අන්තවාදී තීන්දුවක් ගත්තා."
මේ අවස්තාවේදී එම කතාවට බාධා කරමින් නැගිට සිටි සෞඛ්‍ය අමාත්‍ය පවිත්‍රා වන්නිආරච්චි මෙලෙස සඳහන් කළා.
"සෞඛ්‍ය අමාත්‍යංශයේ තාක්ෂණික නිර්වචනයක් අනුව ඒ වෙලාවේ තිබ්බ සෞඛ්‍ය අංශයෙන් දීපු උපදෙස් අනුව දීපු උපදෙස් අනුව තමයි ඒ වෙලේ තීන්දු ගත්තේ අපිට ඕනේ විදිහට නෙමෙයි තාක්ෂණික නිර්වචනයක් අනුව.අපි එක වෙනස් කරනවනම් අපි එක බලල කරනවා."
කෙසේ නමුත් අධිකරණ අමාත්‍ය අලි සබ්රිගේ හෘද සාක්ෂිය දන්නා බව විපක්ෂ නායක සජිත් ප්‍රේමදාස සඳහන් කළා.
