වේල්ලවීදියේ අත්හැර දමා ගිය බෑගයේ තිබී හමු වූ හිස නොමැති තරුණියගේ ඝාතනයට සම්බන්ධ වරදකරු වූ පසුව සියදිවි හානි කරගත් උප පොලිස් පරික්ෂකරයාගේ බිරිඳ සිය සැමියාගේ ක්‍රියා කලාපය පිළිබඳව අදහස් පළ කර තිබේ.
එහිදී ඇය කියා තිබුණේ දිනක් තම සැමියා ඇයට ඔහු වැඩ කරන ස්ථානයේ තරුණියන් කිහිප දෙනෙකු ඔවුන්ගේ නිවසට එන්න අහන බව පැවසූ බවයි. ඇය එහිදී වැඩිදුරටත් කියා සිටියේ “එයා ගෑනු ළමයින් දෙන්නෙක් එක්ක මෙහෙ ආවා. ඇවිත් මගේ දුවත් එක්ක ඒ ගෑනු ළමයින්ව අරගෙන පරවියන් ඇල්ලට නාන්න ගියා. හැබැයි මට කිව්වේ මොනරාගල ළමයි කියලා. ඒත් මගේ පොඩි දුව ඇවිල්ලා කිව්වේ එයාලා ඇඹිලිපිටියේ අක්කලා කට්ටියක්.. එක්කෙනෙක්ගේ නම තමයි දිලිනි කියලා..” යැයි ඇය කියා සිටියාය.
ඉන් අනතුරුව තමන්ගේ සැමියා නිවසට ආපසුව ඇය ඔහුට බැන වැදුණු බවත්, ඔහු තමන්ට බොරුවක් කළ බව තමන් දැන සිටි බවත් ඇය කියා සිටියාය. “ඒ දිලිනි කියන ළමයත් හොඳ චරිතයක් ඇති කෙනෙක් නෙමෙයි කියලා යාළුවෙකුත් මට කිව්වා..” යැයිද ඇය කියා සිටියාය.
එමෙන්ම ඇය සිය සැමියාගේ දුරකථනය පරික්ෂා කරන අවස්ථාවේ ඇඹිලිපිටිය පැත්තේ කෙල්ලෙක් මැසේජ් හතකුයි, එම තරුණියාගේ ඡායාරූප කිහිපයකුයි තිබී හමු වු බවද ඇය කියා සිටියාය. එම අවස්ථාවේ ඇය විසින් ඔහුට කියා තිබුණේ “ඔයාට ලොකු පුතෙක් ඉන්නවා නේද? දරුවන්ගේ නාමයෙන් ඔය සම්බන්ධය නරත කරන්න” කියලාය.
මිය ගිය තරුණියගේ දේහය වේල්ලවීදියෙන් සොයා ගැනීමෙන් පසුව උප පොලිස් පරික්ෂකවරයා පසුගිය 03 වැනිදා රාත්‍රී 11.30ට පමණ නිවසට පැමිණ තිබේ. ඒ පිළිබඳවද ඔහුගේ බිරිඳ පළ කර තිබුණේ මෙවන් අදහසකි, “තුන්වෙනිදා රෑ 11.30ට විතර එයා ගෙදර ආවා. අතේ කළුපාට බෑගයකුත් තිබුණා. ඊට කළින් එයාට මහගේ දුව කෝල් එකක් ගත්තා. එතකොට මහත්තයා දුවට කියලා තිබුණේ එයා කොළඹ ඉන්නේ. දවස් හතරකින් විතර ගෙදර එනවා කියලා. එහෙම කියලා තමයි තුන්වැනිදා රෑ ආවේ. මම රෑ බතුත් බෙදලා දුන්නා. හැබැයි කතාබහක් තිබුණේ නැහැ..”
ආහාර ගැනීමෙන් පසුව ඔහු සිය වැඩිමහල් පුතාගේ කාමරයට ගොස් නිදාගත් බවද ඇය කියා තිබුණි.
පසුදින උදෑසන තමා දියණියගේ වැඩ සඳහා බුත්තල නගරය වෙත ගිය බවත් ඔවුන් නැවත නිවසට පැමිණෙන විට සැමියා නිවසේ නොසිටි බවත්, ඔහු රාත්‍රී කාලයේ දී නැවත නිවස වෙත පැමිණි බවද ඇය කියා සිටියාය. එහිදී ඇය වැඩිදුරටත් සඳහන් කර සිටියේ “රෑ වෙලා ගෙදර ආවා. අපිට අයිස්ක්‍රීම් වගයකුත් ගෙනාවා. පස්සේ තමයි පොලිසියේ දෙනේනෙක් අපේ ගෙදර ආවේ.. ඒ පාර තමයි එයා ගෙදරින් යන්න ගියේ..” යනුවෙනි.
පසුගිය පෙබරවාරි 27 වෙනිදා හවස තුනට පමණ සිය සැමියා බුත්තල බස් නැවතුම්පොළේ දී සිය වැඩිමහල් දියණියට හමුවී තිබුණු බවත් එවිට සැමියා විසින් වැඩිමහල් දියණියට පවසා ඇත්තේ හදිසි වැඩකට ඔහු කොළඹ යන බවයි. ඒ බව තමන්ට පවසන ලෙසද දන්වා ඇති බවට බිරිඳ කියා තිබුණේය.
“එයා හරිම වැරදියි..මම එයාව හදාගන්න උත්සාහ කළා..ඒත් එයා ඇහැව්වේ නැහැ..” ඇය වැඩිදුරටත් පොලීසිය හමුවේ පැවැසූවාය.
ඒෂියන් මිරර්-
