අසභ්‍ය වචන කියමින් ප්‍රසිද්ධියේ අශෝභන අයුරින් හැසිරුණු ගිංතොට තුන්මහල් විහාරයේ වීරකැටියේ සංජය නැමැති හිමිනම අත්අඩංගුවට ගැනීමට ගාල්ල පොලිසිය කටයුතු කර ඇත.
මෙම සිදුවීමට සම්බන්ධ වීඩියෝව පසුගිය දින දෙකේදී සමාජමාධ්‍ය ජාලාවල වේගයෙන් සැරිසරන ආකාරයක් දැකගත හැකි විය.
මෙම හිමිනම සංස්කෘතික අමාත්‍යංශයේ බෞද්ධ කටයුතු සමායෝජක ලෙස ලබුදුව දක්ෂිණපායෙහි සේවය කළ අයකු බව පැවසේ.
මෙම හිමිනම කලහකාරී ලෙස හැසිරෙන බවට 119ට ලද පැමිණිල්ලක් අනුව මෙම අත්අඩංගුවට ගැනීම සිදු කොට ඇත.
පොලිස් අණට අවනත නොවීම මත මෙම අත්අඩංගුවට ගැනීම සිදුකොට ඇති අතර එම අවස්ථාවේදී හිමිනම බීමතින් සිට ඇති බව ද පැවසේ. ඒ බව අධිකරණ වෛද්‍යවරයාට ඉදිරිපත් කිරීමෙන් පසු තහවුරු වී තිබේ.
කෙසේවෙතත් කිසිදු අසල්වැසියකු පැමිණිල්ලක් කර නොතිබීම හේතුවෙන් පසුව ඇප මත මුදාහැරීමට ගාල්ල පොලිසිය පියවර ගෙන ඇත.
