නාරාහේන්පිට අභයාරාමාධිපති පූජ්‍ය මුරුත්තෙට්ටුවේ ආනන්ද හිමියන්ට විපක්ෂ නායක සජිත් ප්‍රේමදාස මහතාගේ දුරකථන ඇමතුමක් ලැබුණු බව අමාත්‍ය මහින්දානන්ද අලුත්ගමගේ මහතා සඳහන් කරයි.
තමන් ආනන්ද හිමියන් මුණ ගැසීමට අභයාරාමයට ඊයේ පෙරවරුවේ ගිය අවස්ථාවේ එම ඇමතුම ලැබුණු බවද ඔහු පැවසීය.
කොළඹ වරාය නගරය ව්‍යාපෘතිය මගින් ශ‍්‍රි ලංකාව සිංගප්පූරුවක් බවට පත් කරන වැඩපිළිවෙල කඩාකප්පල් කිරීමට සජිත් පේ‍්‍රමදාස විපක්ෂ නායකයා ඇතුළු පිරිසක් කටයුතු කරමින් සිටින බවත් ඇමැතිවරයා කීය.
කොළඹ මාධ්‍ය හමුවක් අමතමින් ඔහු මෙම අදහස් පල කරන ලදී.
