පාස්කු ඉරිදා මෙරටට එල්ලවූ බෝම්බ ප්රහාරය සිදුකරන ලද්දේ එම ප්‍රහාරයෙන් තම දේශපාලන බලය ශක්තිමත් කර ගැනීමට වෙර දැරු පිරිසක් විසින් බව අගරදගුරු මැල්කම් රංජිත් කාදිනල් හිමිපාණන් සඳහන් කරයි.
එම ප්රහාරය එල්ල කළේ ආගමික අන්තවාදීන් නොවන බව ද පැවසූ උන්වහන්සේ ආගමික අන්තවාදය භාවිතා කරමින් එය අතකොළුවක් කර ගනිමින් ප්රහාරය සිදු කළේ තම දේශපාලන බලය ශක්තිමත් කර ගැනීමට වෙර දරන පිරිසක් විසින් බවද උන් වහවන්සේ කියා සිටියේය.
අගරදගුරුතුමන් මේ බව සඳහන් කළේ එම ප්‍රහාරයෙන් මියගිය පුද්ගලයන් සිහිකිරීමට පැවැති උත්සවයකින් අනතුරුව මාධ්‍ය වෙත අදහස් පළ කරමිනි.
