ආණ්ඩුවේ සිටින්නේ නම් ආණ්ඩුව විවේචනය නොකර සිටීමට ශ්‍රී ලංකා නිදහස් පක්ෂ මහලේකම්වරයා දැනගත යුතු බව අමාත්‍ය රෝහිත අබේගුණවර්ධන මහතා සඳහන් කරයි.
පසුගිය රජයේද දයාසිරි ජයසේකර මහතා ප්‍රබල අමාත්‍ය ධුරයක් දරූ බවත් ඒ රජයට කළ නොහැකි වූ බොහෝ දේවල් වත්මන් රජය විසින් කරන බවත් ඇමැතිවරයා පෙන්වා දෙයි.
දයාසිරි ජයසේකර මහතාගේ ප්‍රශ්නය කුමක්දැයි තමන්ට නොතේරෙන බවද ඇමතිවරයා තවදුරටත් කියා සිටියේය.
ඔහු මෙම අදහස් පළ කළේ ශ්‍රී ලංකා නිදහස් පක්ෂයට ආණ්ඩුවෙන් කෙණෙහිලි සිදුවන බවට ශ්‍රීලනිප මහ ලේකම් දයාසිරි ජයසේකර මහතා එල්ල කරන චෝදනාවට ප්‍රතිචාර ලෙසිනි.
