කම්පුටර් ගේම්, අන්තර් ජාල ගේම් වලට මේ වන විට තරුණ පරපුර දැඩි ලෙස ඇබ්බැහි වී සිටිති. ඒ අකාරයෙන් ගේම් වලට ඇබ්බැහිවූ 18 හැවිරිදි සිසුවකු මාරවිල පොලිසිය අත්අඩංගුවට ගෙන ඇත.
අපොස උසස් පෙල හදාරණ සිසුවකු අත්රජාල ක්‍රීඩා වලට ඇබ්බැවි නිවසේ ලක්ෂ ගනනක රන්බඩු හා යතුරු පැදියක් රහසේ විකුණා දමමින් මෙම ක්‍රීඩාවේ නිරත වී ඇති අතර ඔහුගේ දෙමව්පියන් විදෙස් ගතව සිටි.
සියා හා මිත්තනියගේ රැකවරණය යටතේ ජිවත් ව ඇති අදාල දරුවා මේ වන විට අපොස උසස් පෙළ විභාගයට පෙනි සිටිම සදහා ඔහුගේ පරිඝණකයෙන් අධ්‍යන කටයුතු සිදුකරන අතර තුර ක්‍රීඩාවට හුරුව ඇති බව පැවසේ. යතුරුපැදිය විකුණා ලක්ෂ 4ක මුදලක්ද තම මවගේ හා මිත්තනියගේ ලක්ෂ පහකට වැඩි වටිනාකමින් යුත් රන් ආභරණද සොරකම් කර එයින් ලැබුන මුදලින් ගේම් ක්‍රීඩාවේ නිරත වි ඇත.
එය අනාවරණ වි ඇත්තේ මෙම සිසුවාගේ නිවසේ තිබු ලක්ෂ ගණනක් වටිනා යතුරු පැදිය එකවර අතුරුදහන් විමේන් පසු සිසුවාගේ මිත්තනිය හා සියා මාරවිල පොලිසියට පැමිනිලි කර ඇති අතර එම සිද්දිය පිළිබදව මාරවිල පොලිස්ථානාධිපති ප්‍රධාන පොලිස් පරික්ෂක ධම්මික විජේසිංහ මහතා ඇතුළු නිළධාරින් පිරිසක් පුළුල් පරික්ෂණ ආරම්භ කිරීමෙන් මෙම තොරතුරු අනාවරණය වී ඇත.
