ඇපමත මුදාහැරුනු මන්ත්‍රීවරයාට එරෙහි නඩුව යලි පෙබරවාරි 03 වන දින කැඳවීමටද අනුරාධපුර මහෙස්ත්‍රාත් වරයා නියෝග ලබාදී ඇත.
මෙහිදී ඇප ලබාගැනීමෙන් පසුව අනුරාධපුරයේදී මාධ්‍යට අදහස් දක්වමින් අර්චුනා මන්ත්‍රීවරයා කියා සිටියේ,
‘ දේශපාලනයට එන්න ඔින කියලා මම ඔය උපාධි මොකුත් කරලා නැහැ. මම ඇත්තටම දේශපාලනයට කැමති නැහැ. මම අවුරුදු 38 වෙනවා කිසිම කෙනෙකුට ඡන්දෙ දීලා නැහැ. දැන් ඇත්තටම ඇවිල්ල ඉන්නේ මිනිසුන් වෙනුවෙන්. ඒ නිස මම වැඩි දවසක් ඉන්නේ නැහැ මේ දේශපාලන වේදිකාවේ. මොකද මම කැමතිම නැති විෂයක් තමයි දේශපාලනය කියන්නේ හැබයි මම ඉන්න කාලෙනම් මම කෙලින් ඉන්නවා’
රාමනාදන් මන්ත්‍රීවරයා ඊයේ දින යාපනය පොලීසියේදී අනුරාධපුර පොලිස් විශේෂ කණ්ඩායමක් විසින් අත්අඩංගුවට ගනු ලැබීය.
ඒ රඹෑව පොලිස් වසමේ ගල්වල මන්සන්ධියේදී රථවාහන රාජකාරිවල නිරතව සිටි පොලිස් නිලධාරීන්ට සාපරාධී බලහත්කාරය පා රාජකාරියට බාධා කිරීමේ චෝදනාව මත මෙලෙස අත්අඩංගුවට ගැනීම සිදු විය.
– වන්නි රොමේෂ් මධූෂංක
