සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
රෝහල් වල ඖෂධ හිඟ බව විපක්ෂය මාධ්‍ය හමු පවත්වමින් පවසන බැවින් ” හිඟ ඖෂධයක් හෝ හඟ ශල්‍ය උපකරණයක් ගෙනවිත් දෙන ලෙස සජිත්ට කියන්න” යැයි සෞඛ්‍ය හා ජනමාධ්‍ය අමාත්‍ය නලින්ද ජයතිස්ස පවසයි.
ඔහු මේ බව සඳහන් කර සිටියේ රජයේ ප්‍රවෘත්ති දෙපාර්තමේන්තුවේ අද (25) පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
එහිදී වැඩිදුරටත් අදහස් දක්වමින් සෞඛ්‍ය අමාත්‍ය නලින්ද ජයතිස්ස පවසා සිටියේ විශේෂඥ වෛද්‍යවරුන් ඉල්ලන සෑම දෙයක්ම සැපිරීමට ආණ්ඩුවට නොහැකි බවයි.
එසේම රෝහලේ නොමැති කිසියම් ඖෂධයක් හෝ උපකරණයක් රෝගියාට ප්‍රතිකාර කිරීමට ඇති අවශ්‍යතාව මත පිටින් ගැනීමේ වරදක් නැති බවද ඔහු සඳහන් කළේය.
පවතින මිලෙහි ලොකු වෙනසක් නැතිනම් ළඟ තිබෙන ඖෂධ හලෙන් හෝ එසේ සොයා ගැනීමට නොහැකි නම් අදාළ වෛද්‍යවරයාගෙන් විමසාගෙන එම ඖෂධය ගැනීම වරදක් නොවන බවද ඔහු සඳහන් කළේය.
කෙසේවෙතත් මේ සම්බන්ධව ප්‍රතිචාර දක්වන විචාරකයන් පවසන්නේ මේ නිදහස් සෞඛ්‍ය රැකගනිමු කියා එවකට විපක්ෂයේ සිටියදී මරාගෙන මැරෙන කැපකිරීමක් කළ බව පෙන්වූ ජවිපෙ ප්‍රබලයකු දැයි සැකසිතෙන තරමට අංශක 180ක වෙනසක් නලින්දලාගේ සිදුව ඇති බවයි.
රෝහල් ආශ්‍රිතව ඖෂධ හිඟ නම් සිදුකළ යුතුව තිබෙන්නේ කඩිනමින් ඖෂධ ආනයනය කර එම අඩුපාඩු පිරිමසාලීම බවත් ඒ හැර ” සජිත්ට කියන්න ඖෂධයක් ගෙනත් පෙන්නන්න” වැනි ග්‍රාම්‍ය අවලාද සහ කෙහෙලිය කියූ ” රෝහල් ඉදිරිපිට මල් ශාලාවක් තියෙන” කතාව අතර වැඩි පරස්පරයක් නොමැති බවද විචාරකයන් පෙන්වාදෙයි.
එසේම රෝහල් සතු නොවන ඖෂධ හා උපකරණ රෝගියාගේ භාරකරුවන් හරහා පිටින් ගෙන්වා ගැනීම වරදක් නොවන බවත් ඊට අවස්ථාව තිබෙන බව සහ මිල ගණන් වල ලොකු වෙනසක් නොවන ආකරයට කියූවද මේ වන විට විශේෂඥ වෛද්‍යවරුන් එසේ නොකරන බවත්, ශ්‍රී ජයවර්ධන පුර රෝහලේ විශේෂඥ වෛද්‍යවරියට අත්වූ ඉරණම සිහිපත් කර ඔවුන් එකී කාර්‍යයෙන් බැහැරව සිටින බවද විචාරකයන් සිහිපත් කරයි.
මේ වන විට අදාළ නිර්දේශ ලිඛිතව ලබාදෙන ලෙස විශේෂඥ වෛද්‍යවරුන් ගේ සංගමය සෞඛ්‍ය අමාත්‍යවරයා වෙතින් ඉල්ලා ඇති නමුත් එවැනි ලිඛිත අවසරයක් ලබාදුන් බවක් දැනගැනීමට නොමැති බවද විචාරකයන් පවසයි.
රජයේ රෝහල් වෙත එන්නේ පෞද්ගලික රෝහල් වෙත යාමට තරම් වත්කමක් නොමැති රෝගීන් බැවින්, රජයේ රෝහල් වල ඖෂධ හිඟයක් තිබෙන්න ඉඩහැර පම්පෝරි කතා කීම, නැති බැරි රෝගීන් ඖෂධ නොමැති කමින් රෝග උත්සන්නව මියැදෙන්නට ඉඩ තැබීමක් බවද ඔවුන් පවසයි.
