සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
ඊශ්‍රායල ආරක්ෂක අමාත්‍ය ඊශ්‍රායල් කට්ස්, ඉරාන මහ බැංකුව සහ තවත් ආයතන කිහිපයක් ත්‍රස්තවාදී සංවිධාන ලෙස නම් කරමින් නියෝගයකට අත්සන් තබා තිබේ.
ඊශ්‍රායල බුද්ධි සේවයේ ඉල්ලීම පරිදි, කට්ස් විසින් තවත් ඉරාන බැංකු දෙකක්, ඉරාන සන්නද්ධ හමුදාවන්ට අනුබද්ධ සමාගමක් සහ එහි ජ්‍යෙෂ්ඨ නිලධාරීන් තිදෙනෙකු ත්‍රස්තවාදී සංවිධාන සහ ක්‍රියාකරුවන් ලෙස නම් කර ඇති බව ආරක්ෂක අමාත්‍යාංශය ප්‍රකාශ කලේය.
මෙම නියෝගය මගින් “කුඩ්ස් බළකාය සහ ඉස්ලාමීය විප්ලවවාදී ආරක්ෂක බළකාය හරහා මැදපෙරදිග පුරා ත්‍රස්තවාදය මෙහෙයවන, අරමුදල් සපයන සහ සන්නද්ධ කරන ඉරාන පාලන තන්ත්‍රයේ ත්‍රස්තවාදී අරමුදල් සැපයීමේ පද්ධතියේ හදවත ඉලක්ක කිරීම” අරමුණු කරන බව අමාත්‍යාංශය සඳහන් කළා. එම කණ්ඩායම් කලාපය පුරා ඉරාන හිතවාදීන්ට සහය දැක්වීමේ ප්‍රධාන මූල්‍ය නාලිකාවක් ලෙසද විස්තර කර ඇත.
ඊශ්‍රායල ආරක්ෂක අමාත්‍යාංශයට අනුව, මහ බැංකුවට අමතරව, මෙම නියෝගය මගින් ෂාර් බැංකුව (Shahr Bank) සහ මෙලට් බැංකුව (Mellat Bank) මෙන්ම ඉරාන සන්නද්ධ හමුදා පොදු කාර්ය මණ්ඩලයට අයත් සෙපේර් එනර්ජි ජහාන් (Sepehr Energy Jahan) සමාගමද නම් කර තිබේ.
ඉරාන මහ බැංකුව දැනටමත් එක්සත් ජනපද සම්බාධකවලට යටත් ආයතනයකි.
