සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
ජාතික ජනබලවේගය පක්ෂයේ පුත්තලම දිස්ත්‍රික් පාර්ලිමේන්තු මන්ත්‍රීනි හිරුනි විජේසිංහ තඹගල්ල පාසල අසල මාර්ගයක් කාපට් කිරීම සම්බන්ධයෙන් සිය ෆේස්බුක් පිටුවේ පළ කළ සටහනක් මේ වන විට සමාජ මාධ්‍යවල හාස්‍යට ලක්ව තිබේ.
අදාළ සටහනට ඇය ඇතුළත් කර ඇති ඡායාරූපවල, ජලය බැස නොගිය මඩ සහිත වලවල්වලටම ගල් කුඩු දමා මාර්ගය කාපට් කිරීමේ කටයුතු සිදු කරන ආකාරය දැක්වේ.
මෙම තත්ත්වය හේතුවෙන්, බොහෝ සමාජ මාධ්‍ය ක්‍රියාකාරීන් ප්‍රශ්න කරන්නේ, මාර්ගයක් සංවර්ධනය කිරීමේදී මූලික වශයෙන් කළ යුතු කටයුතු පිළිබඳ අවබෝධයක්වත් නොමැතිව මෙවැනි වැඩසටහන් ක්‍රියාත්මක කරන්නේ ඇයිද යන්නයි.
මෙවැනි සුළු මට්ටමේ සහ තාක්ෂණික දෝෂ සහිත සංවර්ධන ව්‍යාපෘති විශාල ජයග්‍රහණ ලෙස පෙන්වීමට උත්සාහ කිරීම “රටේ මිනිසුන්ව හිනස්සන වැඩ” ලෙස සමාජ මාධ්‍යවල විවේචනයට ලක්ව ඇත.
මෙම සිදුවීම, මීට පෙර පානදුර ප්‍රදේශයේ මාර්ගයක් කොන්ක්‍රීට් කිරීම පිළිබඳව ජාතික ජනබලවේගයේ නිලන්ති කොට්ටහච්චි මන්ත්‍රීවරිය විසින් පළ කරන ලද සටහනක් හා සමානවම සමාජයේ දැඩි අවධානයට හා හාස්‍යට ලක්ව තිබිණ.
එසේම පාරට බස් රථයක් දමා පපරේ ගසා මල් මාලා දමා ගැනීම, ජල කරාමයක් විවෘත කිරීම, දෙවැනි මහලට වෙනම මුල්ගල් තැබීම ඇතුලු සරල කටයුතු තම තමන්ගේ ෆේස්බුක් ගිනුමේ දමමින් විශාල ව්‍යාපෘති ලෙස දක්වමින් ජාතික ජනබලවේගය ආණ්ඩුවේ මැතිඇමතිවරුන් කරන ක්‍රියා රැසක් සමාජ මාධ්‍ය තුළ හාස්‍යට ලක්වෙමින් තිබේ.
