සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
පහළ කඩුගන්නාව ප්‍රදේශයේ වෙළඳසැලක් මතට පස් කන්දක් කඩා වැටීමේ අනතුරෙන් මියගිය පුද්ගලයන්ගේ සංඛ්‍යාව හතරක් (04) දක්වා ඉහළ ගොස් තිබෙනවා.
මීට සුළු වේලාවකට පෙර සුන්බුන් අතර සිරවී සිටි තවත් කාන්තාවක ඇතුළු දෙදෙනෙකුගේ සිරුරු ගලවා ගැනීමේ කණ්ඩායම් විසින් සොයාගෙන තිබෙනවා.
ඔවුන් රෝහල් ගත කරන විටත් මියගොස් සිටි බවයි වාර්තා වන්නේ.
මේ අතර, සුන්බුන් අතර සිරවූ ඉතිරි අය සොයා ගැනීම සඳහා කරනු ලබන මෙහෙයුම් තවදුරටත් ක්‍රියාත්මකයි.
මින්පෙර, අනතුරෙන් එක් කාන්තාවක් මියගොස් තිබූ අතර, අනතුර සිදුවූ වෙළඳසැලේ සුන්බුන් අතර සිරවී සිටි තවත් පිරිමි පුද්ගලයෙකු මුදාගෙන රෝහල් ගතකළ අවස්ථාවේදී ජීවිතක්ෂයට පත්වුණා.
