සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
ආරච්චිකට්ටුව ප්‍රාදේශිය සභාවේ සභාපතිවරයා ''බූරුවා මෙතනින් යනවා'' යැයි තමන්ට අපහාසාත්මක ලෙස බැන වැදුණ බව කියමින් සජබ ප්‍රාදේශීය සභා මන්ත්‍රීවරියක විසින් පොලීසියට පැමිණිල්ලක් ඉදිරිපත් කර තිබෙනවා.
මෙලෙස පැමිණිල්ලක් දමා ඇත්තේ ආරච්චිකට්ටුව ප්‍රාදේශීය සභාවේ සමගි ජනබල වේගයේ ප්‍රාදේශීය සභා මන්ත්‍රී නිකිනි අයෝද්‍යා විසින්.
අද දින මන්ත්‍රීවරුන් හට හැඳුනුම්පත් නිකුත් කිරීම ප්‍රාදේශීය සභාව තුළ සිදු කෙරී තිබෙනවා.
ඒ අතර එහිදී හැඳුනුම්පත් සම්බන්ධයෙන් ගැටළුවක් විසඳා ගැනීම සඳහා නිලකාමරයට ගිය අවස්ථාවේ අයවැයට විරුද්ධව ඡන්දය දීම සම්බන්ධයෙන් තමන්ට අපහාසාත්මකව බැන වැදුණු බවයි පැමිණිල්ලේ සඳහන්.
මේ පිළිබඳව ආරච්චිකට්ටුව ප්‍රාදේශීය සභාවේ සභාපති එස්. ජේ. එම්. ජයරත්නගෙන් කළ විමසීමකදී ඔහු පවසා සිටියේ ''සභාවේ නිලධාරීන්ගෙන් විසඳාගත යුතු ගැටළු තමන්ගේ නිල කාමරයට පැමිණ මාත් සමග වාද කරන්නෙ නැතිව එළියට ගිහිල්ලා එම නිලධාරීන් සමග විසඳා ගන්න'' යැයි කී බවයි.
තමන් එලෙස තදින් කතා කළා මිස අපහාසාත්මක ලෙස කතා නොකළ බවයි ඔහු පවසන්නේ.
