කුරුණෑගලින් වාර්තා වන කොරෝනා අසාදිත සමස්ත රෝගීන් ගණන 17ක් දක්වා ඉහළ ගොස් තිබෙනවා.
වැලිසර නාවික හමුදා කඳවුරේදී ඊයේ (28දා) සහ පෙරේදා (27දා) සිදු කරන ලද පීසීආර් පරීක්ෂණවලින් රෝගීන් බවට සනාථ වූ නාවික සෙබළුන් දෙදෙනකු හා ඊයේ (28දා) කුරුණෑගල ශික්ෂණ රෝහලට ඇතුළත් කොට සිටි නාවික හමුදා සෙබළුන් අතරින් එක් අයකුද මෙසේ ආසාදිතයන් ලෙස හඳුනාගත් බව ආරක්ෂක හා සෞඛ්‍ය සේවා අංශ විසින් සනාථ කරනවා.
අලව්ව පොලිස් වසමට අයත් මඩවල කැප්පිටිවලාන ප්‍රදේශයේ පදිංචි 28 හැවිරිදි හා ගොකරැල්ල කොස්වත්ත ප්‍රාදේශයේ පදිංචි 26 හැවිරිදි නාවික සෙබළකු ද පොල්ගහවෙල ඉඹුල්ගස්දෙණිය ප්‍රදේශයේ පදිංචි 28 හැවිරිදි නාවික සෙබළකු ද වශයෙන් මෙම තිදෙනා හඳුනාගෙන තිබුනා.
මෙම ආසාදිතයන් දෙදෙනාගෙන් ගොකරැල්ල කොස්වත්ත පදිංචි නාවික සෙබළා ඉකුත් අප්‍රේල් දහය (10දා) වැනිදා නිවාඩු ලබා නිවසට පැමිණ යළිත් අප්‍රේල් විස්ස (20දා) වැනි දින නාවික හමුදා කඳවුරේ සේවයට වාර්තා කළ පුද්ගලයකු බවට ද තොරතුරු අනාවරණය වී තිබෙනවා.
ඔවුන් ඇසුරු කළ පුද්ගලයන් සොයා මෙහෙයුමක් ආරම්භ කළ බව ගොකරැල්ල පොලිස් ස්ථානාධිපති ප්‍රධාන පොලිස් පරීක්ෂක තිලකරත්න ගනේගොඩ මහතා පවසනවා.
