තවත් මාස තුනක්, හතරක් පමණ යනතුරු ජනතාව අවධානයෙන් කටයුතු කළ යුතු බව බොරැල්ල වෛද්‍ය පර්යේෂණ ආයතනයේ අධ්‍යක්ෂ වෛද්‍ය ජයරුවන් බණ්ඩාර මහතා පවසනවා. මේ වන විට ලොව පිළිගත් නිර්ණායක සහ විශේෂ ක්‍රමවේද අනුගමනය කරමින් රෝගය පැතිරීම කළමනාකරණය කළ නිසා ශ්‍රී ලංකාවේ තත්වය යහපත් බවයි ඔහු වැඩිදුරටත් සදහන් කළේ. නමුත් ඉදිරියේදී ද ජනතාවගේ සහාය මෙම වසංගත තත්වය නිමා කිරීම සඳහා අවශ්‍ය වන බවයි ඔහු පවසන්නේ.
ඉදිරියේදී ඇඳිරිනීතිය තත්වය ඉවත් කර සාමාන්‍ය ජන ජීවිතය ආරම්භ කළ හැකි වුවද තවත් මාස තුනක් හතරක් පමණ ගතවන තුරු කොරෝනා රෝගීන් ඉඳහිට වාර්තා වීමේ හැකියාවක් පවතින බවයි වෛද්‍ය ජයරුවන් බණ්ඩාර මහතා පවසන්නේ.
