ඉකුත් 18 වැනිදා බියගම, හේනිහත්ත ප්‍රදේශයේ පිහිටි නිවසට නිවාඩු පැමිණි වැලිසර නාවික හමුදා කඳවුරේ සේවය කරන සෙබළෙකු කොරෝනා ආසාදිතයෙකු බව පෙරේදා (27) පෙරවරුවේ අනාවරණය වී තිබෙනවා.
ඒ අනුව, එම නාවික හමුදා සෙබළා ගමන් කරන ලද බියගම ප්‍රතිභා මාවත, මල්වත්ත පාර ඇතුළු ප්‍රදේශ කීපයක් හුදකලා ප්‍රදේශ ලෙස නම් කිරීමට මහජන සෞඛ්‍ය පරීක්ෂකවරුන් කටයුතු කරනු ලැබුවා.
මෙම ප්‍රදේශවල පවුල් 350 ක පුද්ගලයන් 1000 ක් පමණ ජීවත්ව සිටිනවා.
ඔහු පේරගස්හන්දිය ප්‍රදේශයේ බාබර් සාප්පුවකට කොණ්ඩය කැපීමට ගොස් ඇති බවද පැවසෙනවා.
අදාළ කරණවෑමියා සමග නිවාස 50ක් පමණ සබඳතා පවත්වා ඇති බවත් මහජන සෞඛ්‍ය පරීක්ෂකවරු පවසනවා.
