නාවික හමුදාවේ බුද්ධි අංශ විසින් සිදුකල මෙහෙයුමකදී ජා ඇල ප්‍රදේශයේදී පුද්ගලයින් 52 ක් සිය භාරයට ගෙන තිබෙනවා. ඒ පසුගියදා එම ප්‍රදේශයේ කොරෝනා ආසාදිත පුද්ගලයින් සමග සමීප සම්බඳකම් පැවැත්වීම හේතුවෙන්.
මීට සතියකට පමණ ඉහතදී ජා ඇල ප්‍රදේශයේදී කොරෝනා රෝගියෙක් වාර්තා වීමෙන් පසු ඔහු සමග සම්බන්ධකම් පැවැත්වූ පුද්ගලයින් 28 දෙනෙක් නිරෝදායන නීති උල්ලංගනය කිරීම හේතුවෙන් මීට දින දෙකකට පෙර නාවික හමුදාව විසින් සොයාගෙන ඔවුන්ව නිරෝදායන මධ්‍යස්ථානයක් වෙත යොමුකරනු ලැබුවා.
එලෙස නිරෝදායන කඳවුර වෙත යොමු කරන ලද පුද්ගලයින් 28 දෙනාගෙන් 6 දෙනෙක් ඊයේ දිනයේදී කොරෝනා ආසාදිතයින් බවට හෙලිවූවා. එලෙස සොයාගනු ලැබූ රෝගීන් 6 දෙනා ඇතුලු පිරිස සමග සම්බන්ධකම් පැවැත්වූ පුද්ගලයින් 52ක් මෙලෙස නාවික හමුදා බස්නාහිර පලාත් බුද්ධි අංශය ජා ඇල සහ මාකෙවිට ප්‍රදේශයේදී සිය භාරයට ගෙන තිබෙනවා.
මෙලෙස නාවික හමුදාව භාරයට ගනු ලැබූ පුද්ගලයින් 52 දෙදෙනාගෙන් 41 දෙනෙක් පිරිමි පුද්ගලයින් වන අතර කුඩා දරුවන් 6 දෙනෙක් ඇතුලු කාන්තාවන් 5 දෙනෙක් සිටින බවයි නාවික හමුදාව සඳහන් කලේ.
මෙම පිරිස අද සවස් කාලයේදී නිරෝදායන මධ්‍යස්ථානයක් වෙත යොමු කිරීමට නියමිතයි.
