නව කොරෝනා වෛරසය වායු සමීකරණය කළ පරිශ‍්‍රවලදී වඩා පහසුවෙන් පැතිර යා හැකි බව හදුනාගෙන තිබෙනවා.
ඊට හේතු දක්වන කායික රෝග විශේෂඥ වෛද්‍ය ආනාන්ද විජේවික‍්‍රම මහතා පෙන්වා දුන්නේ ‘වායු සමීකරණය කෙරෙන කාමරයක් සැම විටම බාහිරට විවෘත නොවූ කොටසක් බැවින් එහි විෂබීජ සංසණය වන ප්‍රමාණය වැඩියි. කවුරු හරි කැස්සොත් ඒ කෙළ බිඳිති හිරු එළිය පවතින තැනකට වඩා වැඩි කාලයක් පවතින්න පුළුවන් වායු සමීකරණය කරපු තැනක.’ යනුවෙනුයි.
කිසියම් පරිශ‍්‍රයක් වායු සමීකරණය කර පවත්වා ගන්නවා වෙනුවට ස්වාභාවික වාතාස‍්‍රයට සහ හිරු එළියට නිරාවරණ කර පවත්වා ගැනීම මේ දිනවල වඩා ආරක්ෂිත බවද මෙහිදී විස්තර කෙරුණා.
වායූ සමීකරණය කරන ලද සුපිරි වෙළදසැල් හෝ වෙනත් ස්ථානවල වැඩි වේලාවක් ගත කිරීමද මේ අනුව අවධානම් සහිත විය හැකි බවයි වෛද්‍යවරුන් පෙන්වා දෙන්නේ.
ඒ අනුව එවැනි ස්ථාන හැකි පමණ මගහැර සිටීම සුදුසු බවද වෛද්‍යවරුන් පවසනවා.
