ඊයේ (29) දිනයේ මෙරටින් වාර්තා වුණු කොරෝනා වෛරස් ආසාදිතයින් 30 දෙනා අතරින් 22 දෙනෙකුම නාවික හමුදා සාමාජිකයින් බව හමුදාපති ෂවේන්ද්‍ර සිල්වා මහතා පවසයි.
"ඊයේ දවසට ශ්‍රී ලංකාව තුළ ආසාදිතයින් 30 දෙනෙකු සොයාගනු ලැබුවා. ඒ 30 දෙනාගෙන් 20 දෙනෙකුම වාර්තා වෙන්නේ ශ්‍රී ලංකා නාවික හමුදා වැලිසර කඳවුරේ අපගේ වීරෝදාර රණවිරුවන් 20 දෙනෙකු. ඒ 20 දෙනාට අමතරව නිවාඩු ගොස් සිටියදී යම් යම් රෝහල්වලට ඇතුළත්ව හිටපු තවත් රණවිරුවන් දෙදෙනෙක් වෙනත් ප්‍රදේශවලින්. එතකොට 22 දෙනයි.
ඊට අමතරව තවත් එක පුද්ගලයෙක් වාර්තා වෙනවා නිරෝධායන මධ්‍යස්ථානයකින්. ගුණසිංහ පුරෙන් ගියපු, මත්ද්‍රව්‍යවලට ඇබ්බැහිවෙච්ච පුද්ගලයෙකු 23 වෙනියා හැටියට. ඊට අමතරව තව 07 දෙනෙකු වාර්තා වෙනවා අපෙ අර වීරෝදාර රණවිරුවන්ගේ ළඟම ඥාතීන්. ඒ හත් දෙනාගෙන් එක පුද්ගලයෙක් ශ්‍රී ලංකා යුධ හමුදාවට අයත්, විශ්‍රාම යාමට නියමිතව පාඨමාලාවක් කරන කෙනෙක්. නමුත් ඔහු නාවික හමුදා රණවිරුවෙක්ගෙ ඥාතියෙක් හැටියට අපේ රණවිරුවාත් වර්තා වෙන්නෙ. ඒ අනුව තමයි 30 දෙනෙක් වාර්තා වෙන්නෙ.
කඳවුරෙන් පිටත හොයාගත්ත අය ගැන ඇහුවාම බදුල්ල, තලාතුඔය, හෝකන්දර, කන්තලේ සහ මොරොන්තුඩුව කියන ප්‍රදේශවලින් තමයි මේ 07 දෙනා සොයාගනු ලබන්නේ" යනුවෙනුයි ඒ මහතා සඳහන් කළේ.
