Type Here to Get Search Results !

නිරෝධායනයට රැගෙනගිය බස් රථය හැපුණු පසු එක්කෙනෙක් පැනලා


නිරෝධායනයට රැගෙන යමින් සිටි පිරිසක් රැගත් බස් රථයක් වරකාපොළදී පෙරේදා (15දා) සවස අනතුරට ලක්වීමෙන් පසු බස් රථයෙන් පැන පලාගිය පුද්ගලයෙක් පස්යාල ප්‍රදේශයේදී යළි අල්ලා ආරක්‍ෂක අංශ විසින් ඔහුව නිරෝධායනයට යොමු කර තිබෙනවා.
අනතුර සිදුවූ සැණින් මෙම සැකකරු බස් රථයෙන් බිමට බැස යළි කොළඹ දෙසට පලාගොස් තිබුණා.මෙම පුද්ගලයා ලොරි රථයක නැඟී පස්යාල ප්‍රදේශයට පැමිණ ඇති අතර පසුව වෙළෙඳසලක් අසල නවතා තිබූ පාපැදියක් සොරාගෙන එහි නැඟී කොළඹ දෙසට ඒමට උත්සාහ ගෙන ඇති බව වාර්තා වනවා.
පාපැදි හොරකමින් පසු ගම්මු එක්ව මෙම පුද්ගලයාට පහරදී ඔහු අල්ලාගෙන අසල මාර්ග බාධකයක සිටි ආරක්‍ෂක අංශ වෙත භාරදී තිබෙනවා.
ඔහුගෙන් ආරක්‍ෂක අංශ කළ ප්‍රශ්න කිරීමේදී හෙළි වූ කරුණු මත නිට්ටඹුව පොලිසිය මඟින් සැකකරු නාවික හමුදාවට භාර කළ පසු ඔහුව පූනානි නිරෝධායන මධ්‍යස්ථානයට යළි යොමු කරනු ලැබුවා.

Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Ads