පොලොන්නරුව මහ රෝහලෙන් කොරෝනා සැක සහිත රෝගියෙකු හමුවීමත් සමග ම එහි වාට්‍ටු අංක 10 හදිසියේ වසා දැමීමට (15) රාත්‍රියේ රෝහල් බලධාරින් පියවර ගත් බව පොලොන්නරුව මහ රෝහලේ ජේශ්‍යඨ ප්‍රකාශකයෙකු පැවසුවා.
මෙසේ හමු වූ සැක සහිත රෝගියා මීට දින 04 කට පමණ ඉහත දී රෝහලට ඇතුළත්ව ඇති අතර ඔහු යුධ හමුදා සෙබලෙකු බවත් ඔහු වැලිකන්ද ,සේනපුර පුනරුත්ථාපන කදවුරේ රාජකාරි කළ අයෙකු බවත් වාර්තා වනවා.
මෙසේ හදුනාගත් රෝගියා CPR පරික්ෂණය සිදු කළ බවත් පොලොන්නරුව මහ රෝහලේ වාට්‍ටු අංක 10 හි සේවය කළ වෛද්‍යවරුන් හෙද කාර්ය මණ්ඩල හා අනෙකුත් සෞඛ්‍ය කාර්ය මණ්ඩල නිරෝධායනයට ලක් කිරීමට සිදුව ඇති බවත් එම ප්‍රකාශකයා වැඩි දුරටත් සඳහන් කළා.
මෙසේ රෝගියෙකු හමු වීමත් සමග පොලොන්නරුව මහ රෝහලේ එම රෝගියා ප්‍රතිකාර ලබමින් සිටි වාට්‍ටුවේ එම රෝගියා හා අනෙකුත් රෝගීන් බැලීමට පැමිණි පුද්ගලයින් පිළිබදව ද දැඩි පරිශ්‍රමයක් දරා අනාවරණය කර ගැනීමටේ සිදුව ඇති බව ද පොලොන්නරුව දිස්ත්‍රික්කය මේ හෙතුවෙන් අවදානමේ හෙලීම කණගා‍ටුදායක බවත් එම ප්‍රකාශකයා වැඩි දුරටත් පැවසුවා.
කෙසේ වෙතත් මේ පිළිබදව පොලොන්නරුව මහ රෝහලේ අධ්‍යක්ෂ වෛද්‍ය ඉන්දික සම්පත් කුමාර මහතා මෙසේ පැවසුවා.
“මේ රෝගියා වෙනත් අසනීපයකට තමයි පොලොන්නරුව මහ රෝහලට ඇතුළත් වුණේ.කොරෝනා රෝග ලක්ෂණ කිසිවක් පෙන්නුවේ නෑ.සේනපුර පුනරුත්ථාපන කදවුරේ ගබඩා භාරකරු විදිහට සේවය කළ කෙනෙක්.දැනට පළමුවන පී.සී.ආර්.පරික්ෂණය පොසිටිව වෙලා තිබුණ නිසා අපි රෝහලේ 10 වාට්‍ටුව වසා දැමීමට කටයුතු කළා. වෛද්‍යවරුන් 06ක් හෙද හෙදියන් 16ක් හා අනෙකුත් සෞඛ්‍ය කාර්ය මණ්ඩල නිරෝධායනය කිරීමට කටයුතු කරනවා.ඊට අමතරව එම සෞඛ්‍ය කාර්ය මණ්ඩ ඇසුරු කරපු අය හා රෝගියා බැලීමට පැමිණි ඇසුරු කළ අය පිළිබදව පරික්ෂා කරනවා.අපි කමි‍ටු පත් කරලා තියෙනවා.ඒ කමි‍ටු විසින් වහාම අවශ්‍ය ක්‍රියාමාර්ග ගන්නවා.මේ රෝගියා ත් සෞඛ්‍ය කාර්ය මණ්ඩල සියලු දෙනාත් බලන්න ආව අයත් හැමෝම මුඛ ආවරණ පැළද සිටීම නිසා අපට තිබෙන අවදානම අඩුයි කොහොම වුණත් අපි මේ ගැන දැඩි විමසිල්ලෙන් ඉන්නේ.”
