ඇඳිරි නීතිය ලිහිල් කළ දිස්ත්‍රික්ක 21 කේ එම කාල සීමාවේ වෙළෙඳසැල්වලින් වැඩියෙන්ම අලෙවි වී ඇත්තේ සීනි සහ යීස්ට් බව පොලිසිය සහ ශ්‍රී ලංකා සුරාබදු දෙපාර්තමේන්තුව අනාවරණය කරගෙන තිබෙනවා.
නීති විරෝධී මත්පැන් නිෂ්පාදනය කිරීම සඳහා මෙලෙස සීනි සහ යීස්ට් භාවිත කර ඇති බව සුරාබදු දෙපාර්තමේන්තුවේ නියෝජ්‍ය කොමසාරිස් කපිල කුමාරසිංහ මහතා පැවසුවා.
වෙළෙඳසල් මගින් වැඩියෙන්ම අලෙවි වී ඇත්තේ දුඹුරු සීනි බවත්, නීති විරෝධී මත්පැන් නිෂ්පාදන වැටලීම සඳහා පොලිසිය සහ සුරාබදු දෙපාර්තමේන්තුව ඒකාබද්ධ වැඩපිළිවෙළක්ද දියත් කර ඇඇති බවත් ඔහු සඳහන් කළා.
අප්‍රේල් මස පළමු වැනිදා සිට 28 වැනි දින දක්වා නීති විරෝධී මත්පැන් නිෂ්පාදන සහ මත්ද්‍රව්‍ය වැටලීම් 1,022 ක් සිදුකර ඇති බවයි සුරාබදු දෙපාර්තමේන්තුව සඳහන් කළේ.
