දඹුල්ල බස් නැවතුම්පොළ අසළ දී ඊයේ (04) හදිසියේ ඇදවැටී මියගිය හමුදා සාමාජිකයා ගැන හමුදාපති ලුතිනන් ජෙනරාල් ශවේන්ද්ර සිල්වා අද (05) මාධ්යට අදහස් දැක්වූවා.
එම හමුදා සාමාජිකයාට විටින් විට අපස්මාරය රෝගය වැළඳෙන බවට තොරතුරු ලැබුණු බවත් ඔහු එක කඳවුරක සිට තවත් කඳවුරකට සේවයට වාර්තා කිරීමට යන අතරතුර එසේ මියගොස් ඇති බවයි ඔහු පැවසුවේ.
එසේම මියගිය පුද්ගලයා පිළිබඳ ව පශ්චාත් මරණ පරීක්ෂණය පැවැත්වෙන බවත් ඉන් අනතුරුව මරණයට නිශ්චිත හේතුව අනාවරණය කරගත හැකි වනු ඇති බවයි හමුදාපතිවරයා පැවසුවේ.
