බේරුවල ධීවර වරායෙන් අප්‍රේල් 26 වැනිදා පිටත් වී මුහුදු ගිය ධීවර යාත්‍රාවක සිටි ධීවරයන් හයදෙනකුගෙන් පස්දෙනකු උණ රෝගයෙන් පෙළෙන බවට ලද තොරතුරු අනුව ඔවුන් පෙරේදා (02) උදේ යළි හරවා ගොඩබිමට ගෙන්වාගෙන තිබෙනවා.
බේරුවල ධීවර වරායේ කළමනාකාරීත්වය විසින් කළ දැනුම්දීම අනුව මහජන සෞඛ්‍ය පරීක්ෂකවරුන් වරායේ විශේෂ ස්ථානකයට ධීවර යාත්‍රාව ගෙන්වාගෙන ඔවුන් කළුතර මහ රෝහලට ඇතුළත් කර පී.සී.ආර්. පරීක්ෂාවට ලක්කර ඇති බව වාර්තා වනවා.
එම පරීක්ෂණවල ප්‍රතිඵල ලැබෙන තෙක් ඔවුන් තම නිවෙස්වල නිරෝධායනයට ලක්කර තිබෙනවා.
