හෙට(09) අලුයම 5.00 සිට ප්‍රදේශ කිහියකට ඇඳිරි නීතිය ඉවත් කරනු ලබනවා.
කෙසේ වෙතත් එලෙස ඇඳිරි නීතිය ඉවත් කළ ද මුහුණු ආවරණ පැළඳීම සහ දුරස්තභාවය පවත්වාගැනීම සම්බන්ධයෙන් වූ නීති ලිහිල් නොකරන බව මාධ්‍ය වෙත අඳහස් දක්වමින් පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කරනවා.
මේ වන විට පුද්ගලයින් 116 දෙනෙකු, මුහුණු ආවරණ නිසි ලෙස නොපැළඳීම සහ දුරස්තභාවය පවත්වා නොගැනීම යන හේතුන් මත අත්අඩංගුවට ගත් බවයි ඔහු වැඩිදුරටත් සඳහන් කරන්නේ.
ඇඳිරි නීතිය පනවා තිබුණ ද නොතිබුණ ද මුහුණු ආවරණ පැළඳීම සහ දුරස්තභාවය පවත්වාගෙන කටයුතු කිරීම අත්‍යවශ්‍ය බව පොලිස් මාධ්‍ය ප්‍රකාශකවරයා අවධාරණය කරයි.
ඒ අනුව, හෙට (9) සිට ඒ සම්බන්ධව නීතිය තදින් ක්‍රියාත්මක කිරීමට කටයුතු කරන ලෙස පොලිස් නිලධාරීන්ට උපදෙස් ලබා දී ඇති බව සඳහන්.
