ජන ජීවිතයට පීඩාවක් සහ ආර්ථිකයට හානිකර බලපෑමක් නොවන පරිදි කොවිඞ් ව්‍යාප්තිය මර්දනය කිරීම සඳහා ජනාධිපති ගෝඨාභය රාජපක්ෂ මහතා තීන්දු තීරණ රැසක් ගෙන තිබෙනවා.
අද ජනාධිපති ගෝඨාභය රාජපක්ෂ මහතා, සෞඛ්‍ය අංශ සහ කොවිඞ් මර්දන අනෙකුත් අංශ සමග පැවති සාකච්ඡාවකදී මෙම තීරණවලට එළැඹුණු බවයි ජනාධිපති මාධ්‍ය අංශය නිවේදනය කළේ.
නිරෝධායන මධ්‍යස්ථාන වෙත ගෙන යාම වෙනුවට නිවෙස් තුළම නිරෝධායනයට රජය ගත් පියවර සාර්ථක ප්‍රතිඵල අත්කරගෙන ඇති බව ජනාධිපතිවරයා එහිදී පෙන්වා දුන්නා.
එමෙන්ම, භාණ්ඩ බෙදාහැරීම ඇතුළු අත්‍යාවශ්‍ය සේවා හැර දිස්ත්‍රික්ක අතර සංචරණය අත්හිටුවීමටද ජනාධිපතිවරයා තීරණය කර තිබෙනවා.
