කොරෝනා වෛරස ආසාදිතයෙකු මේවන තෙක් වාර්තා නොවූ කිළිනොච්චිය දිස්ත්‍රික්කයෙන් අද (03) එක් ආසාදිතයෙකු හඳුනාගෙන ඇති බව ප්‍රදේශයේ සෞඛ්‍ය බලධාරීහු පවසනවා.
කිලිනොච්චිය, කණ්ඩාවේලෙයි ප්‍රදේශයේ පදිංචි 38 හැවිරිදි පුද්ගලයෙකු කොරෝනා ආසාදිතයෙකු ලෙස හදුනාගෙන ඇති බවයි වාර්තා වන්නේ.
කොළඹ පිහිටි හෝටලයක සේවකයෙකු වන එම පුද්ගලයා පසුගිය 28 වනදා සිය නිවස පිහිටි කිලිනොච්චිය ප්‍රදේශයට ගොස් තිබෙනවා.
ඒ අනුව ඔහු ස්වයං නිරෝධායනයට ලක්කිරීමට පියවරගෙන ඇති අතර ඊයේ දිනයේ දී ඔහුට ඵ්Cර්‍ පරීක්ෂණයක් සිදුකර ඇති බව සඳහන්.
එහිදී ඔහුට කොරෝනා වෛරසය ආසාදනය වී ඇති බවට හඳුනාගෙන තිබෙනවා.
එම ආසාදිතයා යාපනය, මරදන්කර්නි හි පිහිටි කොවිඩ් ප්‍රතිකාර මධ්‍යස්ථානය වෙත යොමුකිරීමට පියවර ගත් බව සෞඛ්‍ය අංශ පැවසුවා.
