බස්නාහිර පළාතට පනවා ඇති නිරෝධායන ඇඳිරි නීතිය මෙම අවස්ථාවේදී ඉවත් කිරීම කිසිසේත් සුදුසු නොවන බව ශ්‍රී ලංකා මහජන සෞඛ්‍ය පරික්ෂකවරුන්ගේ සංගමය අවධාරණය කරනවා.
සංගමයේ සභාපති උපුල් රෝහණ මහතා මාධ්‍යයට ප්‍රකාශයක් කරමින් පෙන්වා දුන්නේ බස්නාහිර පළාතට පනවා ඇති ඇදිරි නීතිය ඉවත් කළහොත් එමගින් වෙනත් ප්‍රදේශවලට කොරෝනා වෛරසය ව්‍යාප්තවීමේ දැඩි අවදානමක් පවතින බවයි.
මෙම අවදානම් සහිත අවස්ථාවේදී ඇදිරිනීතිය ඉවත්කර තවදුරටත් කොරෝනා වෛරසය ව්‍යාප්තවුවහොත් එහි වගකීම සෞඛ්‍ය බළධාරින් සහ රජය විසින් භාරගතයුතු බවද උපුල් රෝහණ මහතා අවධාරණය කළා.
