මාතර නූපේ මංසන්ධියේ පිහිටි සුපිරි වෙලද සැලේ රට බීම අලෙවි සැලට පැමිණී කොරෝනා ආසාදිත පුද්ගලයෙකු ඉන් රට බීම බෝතලයක් මිලට ගෙන ඒ ආසන්න ස්ථානයක තබා ගෙන කිහිප දෙනෙකු සමග මත් පැන් පානය කර තිබේ.
කොලඹ වරාය සමාගමක සේවය කරන ඔහු වරාය සේවකයින් ප්‍රවාහනය කරන බසයකින් මාතරට පැමිණ ඇත.
ඔහු ඒ වන විට පී.සී.ආර්.පරීක්‍ෂණයක් සිදු කර තිබු අතර එහි වාර්තාව එම පුද්ගලයා මාතරට පැමිණෙන විට මාතර මහජන සෞඛ්‍ය පරීක්ෂකවරුන් අතට ලැබී තිබුණි.
ඒ අනුව මහජන සෞඛ්‍ය පරීක්ෂකවරුන් පොලීසියේ සහාය ඇතිව ඔහු අල්ලා හම්බන්තොට කොරෝනා ඒකකය වෙත පිටත් කර යවන ලදි.
අදාල බසයේ 15 පිරිසක් පැමිණ තිබුණි.
අදාල සේවකයා දීයගහ පදිංචිකරුවෙකි.
සුපිරි වෙලද සැලේ සේවකයින් කිහිප දෙනෙකු ද බසයේ පැමිණී පිරිස ඇතුළු ඒ ආශ්‍රිතයන් ස්වයං නීරෝධායනයට යොමු කිරීමට නියමිතව ඇත.
