ගැහැණු ළමයෙක් සාමන්‍යයෙන් වයසින් වැඩෙන කොට එක එක හීන හිතට එනවා. නමුත් අවුරුදු 20ක තරුණියක් අනාගතේ තමන්ට සිදුවෙන දේ වත් හරියටම නොදැන ජීවිතය පරදුවට තියලා ආපසු එන්න ලැබේවිදැයි නොදන්නා ගමනක් යනවා කිව්වම පුදුමයි නේද? ඒ තමයි ඇලිසා කාර්සන්. අඟහරු වෙත යන පළවෙනි ජීවියා. ඉතින් අපි හිතුවා ඇය වෙනුවෙන් මේ කතාව වෙන් කරන්න.
2001 මාර්තු 10 වෙනි දින එක්සත් ජනපදයේ ලුසියානා වල තමයි ඇලිසා කාර්සන් උපත ලබන්නේ. ඇගේ පියා බර්ට් කාර්සන්. ඇය කුඩා කාලයේ සිටම ගගනගාමියෙකු වීමට සිහින දැකපු බව තමයි ඇලිසා ගේ පියා නම් පවසන්නේ. අභ්‍යවකාශය ගැන ප්‍රශ්න ඇසීම ඇයගේ පුරුද්දක්. මේ ආසාව නිසාම අවුරදු 19 වන විට ලැබූ ජයග්‍රහණ ලැයිස්තුවක් ම ඇලිසා සතුව තිබුණා.
අවුරුදු 19 වන විට අභ්‍යවකාශ කඳවුරු 7කට අභ්‍යවකාශ ඇකඩමි 3 කට සහ රොබෝටික් ඇකඩමි 1 ටත් ඇලිසා සහභාගී වී තිබුණා.
තුර්කියේ සහ කැනඩාවේ පැවතුන සියළුම නාසා අභ්‍යවකාශ කඳවුරු සම්පුර්ණ කළ පලවෙනි පුද්ගලයා වීමේ වාසනාවත් හිමි කර ගත්තේ ඇලිසා කාර්සන්. ඒ විතරක් නෙවෙයි අභ්‍යවකාශ ෂටල තුනක් දියත් කරන ආකාරය සියසින්ම දැක ගන්නත් ඇයට වාසනාව හිමි වුණා.
MIT සැලි රයිඩ් දින තුනක කඳවුරට සහභාගී වීමත් කුඩා කාලයේදීම ඇය ලැබූ ජයග්‍රහණයක්. ඒවගේම නාසා පාස්පෝර්ට් වැඩසටහන සම්පුර්ණ කළ ප්‍රථමයා වුණෙත් ඇලිසා කාර්සන්.
අවුරුදු එකොළහක් වගේ පුංචි කාලයේදී අඟහරු පිළිබඳව පැවැත්වුණු සජීවී වැඩසටහනකට සහභාගී වෙලා කරුණු දක්වන්නත් ඇයට හැකියාව ලැබුණා.
විශේෂම සිදුවීම තමයි ඇය ඉතා හොඳින් පුහුණුව ලැබූ ගගනගාමී අභ්‍යාසලාභියෙක් වීම. අවුරුදු 20ක් වගේ පොඩි වයසකදී මේ වගේ තීරණාත්මක ගමනකට ඇයව තෝරා ගන්න ප්‍රධාන හේතුව වුණෙත් මෙන්න මේ දක්ෂතාවන්.
මේ වගේ ජයග්‍රහණ සමඟින් ජීවිතේ ගැන සියළුම බලාපොරොත්තු අතහැරලා මුළු ලෝකයම වෙනුවෙන් ඇය මේ යන ගමන අපි අගය කළ යුතුමයි. ඉතින් ඇලිසා ඔබේ ගමනට සුබ පැතුම්.
