සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
ජාතික ජනබලවේගය ආණ්ඩුව ජනාධිපති අනුර කුමාර දිසානායකගේ ප්‍රධානත්වයෙන් ආරම්භ කළ ක්ලීන් ශ්‍රීලංකා ව්‍යාපෘතිය අසාර්ථකවීම සම්බන්ධව ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා අදහස් දක්වා තිබේ.
ඔහු මේ අදහස් දක්වා සිටියේ එක්සත් රාජධිනියේ පැවති ඉල්මහ විරු සමරු උළෙලක ප්‍රධාන දේශනය සිදුකරමිනි.
එහිදි ඔහු පවසන්නේ “ක්ලීන් ශ්‍රීලංකා ” ආරම්භ කර ටික දවසකින් පොඩ්ඩක් දුර්වල වුණා” කියාය. එය මේ වන විට යළිත් ආරම්භ කර ඇති බවද ඔහු සඳහන් කළේය .
මෙහිදි වැඩිදුරටත් අදහස් දක්වමින් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා පවසා සිටියේ, අර්බුයෙන් රට දෙවසරක් තුළ ගොඩනැඟීම හිටපු ජනාධිපති රනිල් වික්‍රමසිංහ සිදුකළ බව පැවසුණත්, එහිදි රනිල් වික්‍රමසිංහ ජනාධිපතිවරයා සිදුකළේ අර්බුදයේ බර ජනතාව මත පැටවීම බවයි.
වත්මන් ආණ්ඩුව ආර්ථිකය ගොඩනැඟීම ජනතාවට බරක් නොකර සිදුකරන බව ඔහු එහිදි පැවසූවද රනිල් වික්‍රමසිංහ ජනාධිපතිවරයා පටවනු ලැබූ නමුත් වත්මන් ආණ්ඩුව “එයින් ඉවත්කළ බර” කවරෙක්දැයි සඳහන් කළේ නැත.
තම පාලනය යටතේ රාජ්‍ය ආයතන විකුණුවේ නැති බවද ඔහු සඳහන් කළේය .
කෙසේවෙතත් මේ සම්බන්ධව අදහස් දක්වමින් දේශපාලන විචාරකයන් පවසන්නේ අනුර ජනාධිපතිගේ ක්ලීන් ශ්‍රී ලංකා ව්‍යාපෘතිය අසාර්ථක බව පිළිගනිමත්, වත්මන් ආණ්ඩුව හිටපු ජනාධිපති රනිල් වික්‍රමසිංහ ගේ වැඩපිළිවෙලට දියත්කළ විකල්ප වැඩපිළිවෙල කුමක්ද යන්න නිශ්චිත ලෙස සඳහන් නොකිරීමත් හමුවේ සමස්ත ජාතික ජනබලවේගය ආණ්ඩුවේ අසමත් බව තහවුරු කර ඇති බවයි.
