රුසියානු සංචාරකයන් රැගත් ගුවන් යානාවක් අගෝස්තු මස පළවෙනි දා මෙරටට එන බව රුසියාවේ හිටපු ශ්‍රිලංකා තානාපති උදයංග වීරතුංග මහතා සඳහන් කරයි.
ඉදිරියේදී සතියකට දිනයක් පාසා රුසියානු සංචාරකයන් රැගෙන ඒම සඳහා ශ්‍රී ලංකන් ගුවන් යානාවක් මොස්කවු නගරය බලා පියාසර කිරීමට කටයුතු සූදානම් කර ඇතැයි ද ඔහු පැවසීය.
සැප්තැම්බර මාසයේ සිට මසකට රුසියානු සංචාරකයන් දහස බැගින් ගෙන ඒමට සූදානම් වන බවද ඔහු පවසයි.
මේ බව සඳහන් කළේ ජනමාධ්‍ය අමාත්‍යාංශයේ දී පැවති සාකච්චාවකදීය.
ඔහු එහිදී තවදුරටත් කියා සිටියේ රුසියානු ජනතාව එන්නත්කරණය කැමැත්තක් නොදක්වන බවත් ඔවුන් විශ්වාස කරන්නේ තමන්ට වෛරසය ආසාදනය වී සුවපත් වී ඇති නිසා ප්‍රතිදේහ ශරීරයේ ගොඩනැගී ඇති බව යැයිද ඒ මහතා කියා සිටියේය.
