ඩෙල්ටා කොවිඩ් ප්‍රභේදයේ හඳුනාගත් නව විකෘති ප්‍රභේදය ද කොළඹින් බැහැර සෙසු ප්‍රදේශවලට පැතිරයාමේ අවදානමක් පවතිනවා.
ඩෙල්ටා කොවිඩ් ප්‍රභේදය කොළඹින් පටන් ගෙන ඇති අතර කොළඹ 100%ක් ඇත්තේ ඩෙල්ටා ප්‍රභේදය බවයි ශ්‍රී ලංකා වෛද්‍ය සංගමයේ සභාපති, විශේෂඥ වෛද්‍ය පද්මා ගුණරත්න මහත්මිය සඳහන් කරන්නේ.
මේ වන විට පැයකට කොවිඩ් මරණ 09ක් පමණ මෙරටින් වාර්තා වන බව ද ඇය සඳහන් කළා.
මේ අතර ඇය වැඩිදුරටත් කියා සිටියේ එන්නත් ලබානොගත් වයස අවුරුදු 60 ට වැඩි පුද්ගලයින් එන්නතකරණයට කඩිනමින් යොමුවිම සහ එක් මාත්‍රාවක් ලබාගත් පිරිස් එන්නත්කරණය සම්පූර්ණ කිරිම අනිවාර්යෙන් සිදුකළ යුතු බවයි.
