ශ්‍රී ලංකා නිදහස් පක්ෂයේ මහ ලේකම් ධුරයෙන් දයාසිරි ජයසේකර මහතා පන්නා දමන බවට තීන්දුව ගැනීමට පෙර දින රාත්‍රියේ ආණ්ඩුවේ මන්ත්‍රීවරයෙකු රුපියල් ලක්ෂ 50ක ඔට්ටුවක් අල්ලා ඇති බව වාර්තා වෙයි.
ඒ පිළිබඳව පසුගිය දින සතියේ තවත් මන්ත්‍රීවරුන් පිරිසක් විසින් පාර්ලිමේන්තු මන්ත්‍රීවරු කිහිප දෙනෙකුම දැනුවත් කර ඇත.
දයාසිරි ජයසේකර මන්ත්‍රීවරයා මහලේකම් ධුරයෙන් ඉවත් කිරීමත් සමග ඔට්ටුව ඇල්ලු මන්ත්‍රීවරයා ජයග්‍රහනය කර ඇති අතර අනෙක් පාර්ශවය පරාජයට පත්වී තිබේ.
දයාසිරි ජයසේකර මහතාද සඳහන් කරන්නේ තමන් පක්ෂයෙන් ඉවත් කිරීමට පෙර දින ආණ්ඩු පක්ෂයට ගිය මන්ත්‍රීවරුන් අතර ලක්ෂ 50 ඔට්ටුවක් අල්ලා ඇති බවය.
ඔට්ටුව අල්ලන ලද මන්ත්‍රීවරයා පළ කළ අනාවැකි සත්‍ය වී ඇති බවත් ඒ අනුව ඔහු සන්තකයේ ලක්ෂ සීයක මුදල් ඇති බවත් ජයසේකර මහතා පැවසීය.
