සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
2025 වසරේ ගතවූ මාස 10ට දකුණු කොරියාවේ රැකියාවලට ශ්‍රී ලාංකික තරුණ තරුණියන් 3253 දෙනෙකු පිටත්ව ගොස් ඇති බව වාර්තා වේ.
මේ අතර දකුණු කොරියාවේ නිශ්පාදන අංශයේ රැකියා සඳහා සුදුසුකම් ලැබූ තරුණ තරුණියන් 72 දෙනෙකු අද (29) දින දකුණු කොරියාව බලා පිටත්ව ගොස් ඇත.
ඊට තරුණියන් 2 දෙනෙකුද අයත් බව සඳහන්. මෙම රැකියා අවස්ථා හිමිව තිබෙන්නේ ශ්‍රි ලංකා විදේශ සේවා නියුක්ති කාර්යාංශය හා දකුණු කොරියානු මානව සම්පත් සංවර්ධන ආයතනය අතර ඇති කර ගත් අවබෝධතා ගිවිසුම අනුව E-9 වීසා කාණ්ඩය යටතේයි.
ඒ අනුව මෙමඟින් දකුණු කොරියාවේ නිශ්පාදන, ඉදිකිරීම්, ධීවර හා කෘෂිකාර්මික යන ක්ෂේත්‍රවල රැකියා හිමි වේ.
එමෙන්ම වඩාත් විනිවිදභාවයකින් යුතුව රැකියා අපේක්ෂිතයින් Online ක්‍රමයට තෝරා ගැනීම සිදු කරන අතර විභාගය UBT ක්‍රමවේදය ඔස්සේ පවත්වයි.
ඒනිසා ඒ වෙනුවෙන් කිසිඳු පාර්ශවයකට බලපෑම් කළ නොහැකි බව කාර්යාංශය දන්වයි.
මේ අතර රැකියා ලාභීන්ට වසර 4 මාස 10 කාලයක් දකුණු කොරියාවේ රැදී සිටීමට අවස්ථාව හිමිවන අතර, නියමිත කාලය අවසන්ව ශ්‍රී ලංකාවට පැමිණෙන ශ්‍රමිකයින්ට නැවත දකුණු කොරියාවට ඇතුළුවීමට අවසර හිමි වේ.
