සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
නුවරඑළිය යහපත් එඩේරාගේ බාලිකා මහ විදුහලේ හිටපු විදුහල්පති කන්‍යා සොයුරිය පසුගිය 2024 වසරේ ඔක්තෝම්බර් මස ළමුන් 11 දෙනෙකුට අමානුෂික ලෙස පහරදීමේ සිද්ධිය සම්බන්ධව දින දාහතරක් රක්ෂිත බන්ධනාගාර ගත කර දැනට ඇප මත නිදහස්ව සිටින විදුහල්පතිනියට එරෙහිව කලාප අධ්‍යාපනය කාර්යාලය හා පොලිසිය ක්‍රියා කල අන්දමින් ළමා හිමිකම් උල්ලංඝනය වන බව පවසා ළමා අයිතිවාසිකම් වෙනුවෙන් ක්‍රියාකාරිව කටයුතු කරන යුනයිටඩ් හියුමන් රයිට්ස් සංවිධාණය හැටන් මානව හිමිකම් සභාවේ ගොනු කර තිබූ පෙත්සම විභාගයට ගැනින ,
මෙහිදි මානව හිමිකම් කොමිසන් සභාව විසින් පැමිණිලි පාර්ශවය හා පැමිණිල්ලේ වග උත්තරකාර පාර්ශවය වශයෙන් නම් කර තිබුනු නුවරඑළිය කලාප අධ්‍යාපන කාර්යාලයේ නිලධාරීන් නුවරඑළිය ජ්‍යෙෂ්ඨ පොලිස් අධිකාරි සහකාර ජ්‍යෙෂ්ඨ පොලිස් අධිකාරිවරුන් හිටපු මූලස්ථාන ප්‍රධාන පොලිස් පරීක්ෂක හා වත්මන් මූලස්ථාන ප්‍රධාන පොලිස් පරීක්ෂකයන් අයවල කැඳවා විභාග කිරීම සිදු කෙරිණ ,
පැමිණිලි විභාගයෙන් අනතුරුව මාධ්‍ය වෙත අදහස් දක්වමින් පැමිණෙනිකාර පාර්ශවය වන යුනයිටඩ් හියුමන් රයියිට්ස් සංවිධානයේ අධ්‍යක්ෂිකා ප්‍රණීතා වර්ණකුළසූරිය මහත්මිය සහ අධ්‍යක්ෂක මණ්ඩල සාමාජික නීතීඥ පුණ්‍යමිණි බණ්ඩාර බාලසූරිය මහතා කියා සිටියේ පාසල් දරුවන්ට පහර දීමේ සිද්ධිය හා සම්බන්ධව මුල් අවස්ථාවේදී පොලිසිය නිසි අයුරින් ක්‍රියාත්මක වී නොමැති අතර අධ්‍යාපන බලධාරීන් ආයතන සංග්‍රහයට පිටින් ගොස් අදාල චෝදනාවට ලක් වූ විදුහල්පතිනියට විශේෂ වරප්‍රසාද ලබාදී ඇති බවයි ,
වැඩිපුර අදහස් දැක්වූ ඔහුන් මෙසේද කීහ ,
ළමුන් එකොළොස්දෙනෙකුට පහරදී ඇති නමුත් ඒ ළමුන් එකොළොස් දෙනා පිළිබඳ කිසිදු සොයා බැලීමක් පොලිසිය විසින් සිදු කර නැහැ ,
පැමිණිල්ල සිදුකල ළමුන් දෙදෙනා රෝහල් ගත කිරීමට සහ ඒ ළමුන් දෙදෙනා වෙනුවෙන් වෙන් වෙන්ව නඩු පැවරීමටද පොලිසිය මුල් අවස්ථාවේදී කටයුතුු කර නොතිබීම නීතියට පටහැනිය ,
පහර කෑමට ලක් වූ සියලු දරුවන් පිළිබඳ නිසි විමර්ශනයක් සිදු නොකිරීමද පහර කෑමට ලක් වූ දරුවන්ට සිදුවූ අසාධාරණයකි ,
එමෙන්ම ඇප නියම වීමෙන් පසු ආයතන සංග්‍රහයට අනුව අදාළ විදුහල්පතිනිය වැඩ තහනමට ලක් කිරීමට කටයුතු කළ යුතු නමුත් ඇයව වැඩ තහනමට ලක් නොකර තවමත් නුවරඑළිය අධ්‍යාපන කලාපයට අනුයුක්තව තබා ගැනීම ඔස්සේ විමර්ශන කටයුතු වලට දැඩි ලෙස භාෂාවක් සිදුවනවා ,
මෙම විමර්ශන කටයුතු පිළිබඳව හැටන් ප්‍රාදේශීය මානව හිමිකම් කාර්යාලය මානව හිමිකම් නිලධාරිනී කුමුදු විතාන මහත්මියගෙන් අප සිදු කළ විමසීමට ඈ කියාා සිටියේ අධ්‍යාපන කාර්යාලයේ ඵලධාරීන් පොලිසිය හා පැමිණිලි කරන පාර්ශව ගෙන්වා සිදුකළ විමර්ශනය මගෙන් කරුණු රාශිය කතාවරණය කර ගැනීමට හැකි වූ අතර ඒ කරුණු පදනම් කරගෙන කලාප අධ්‍යාපන කාර්යාලයට හා පොලිසියට අවශ්‍ය නිර්දේශ ලබාදීමට ඉදිරියේදී කටයුතු කරන බවයි .
ආර්.එෆ්.එම්.සුහෙල්
