සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
පෙට්රල් සහ ඩීසල් මිල ඉහළ ගියද, ජනතාව මත පැටවෙන ආර්ථික බර අවම කිරීම සඳහා රජය සුවිශාල මැදිහත්වීමක් සිදුකරන බව ඇමති සමන්ත විද්යාරත්න මහතා ප්රකාශ කළේය.
වත්මන් වෙළඳපොළ තත්ත්වය අනුව ඩීසල් ලීටරයක මිල රුපියල් 179කින් ඉහළ දැමිය යුතුව තිබුණද, රජය ඉන් රුපියල් 100ක බරක් ජනතාව වෙනුවෙන් දරා ගැනීමට තීරණය කර ඇති බව ඒ මහතා පෙන්වා දුන්නේය.
ඒ මහතා වැඩිදුරටත් සඳහන් කළේ, ජනාධිපතිතුමා ප්රමුඛ රජය ගත් ප්රතිපත්තිමය තීන්දුවක් මත ජනතාවට සහනයක් සැලසීම සඳහා මෙම පියවර ගත් බවයි.
මේ අනුව, ඩීසල් ලීටරයක මිල රුපියල් 179කින් වැඩි නොකර, ජනතාව මත පැටවෙන්නේ රුපියල් 79ක වැඩිවීමක් පමණක් බවත්, ඉතිරි රුපියල් 100ක මුදල රජය විසින් සහනාධාරයක් ලෙස ලබා දෙන බවත් ඔහු අවධාරණය කළේය.
මෙම සහන වැඩපිළිවෙළ පවත්වාගෙන යාම සඳහා රජය විශාල පිරිවැයක් දරන බව පෙන්වා දුන් ඇමතිවරයා, මහජනතාව පාවිච්චි කරන ඉන්ධන සඳහා සහන සැලසීමට පමණක් භාණ්ඩාගාරය මගින් මසකට රුපියල් බිලියන 20ක මුදලක් වෙන් කර ඇති බවද අනාවරණය කළේය.
